नेकपा (माओवादी केन्द्र) का अध्यक्ष पुष्पकमल दाहाल प्रचण्डले भातृ संगठन अखिल (क्रान्तिकारी) लाई पार्टी निर्माणमा सम्पूर्ण ध्यान र शक्ति प्रयोग गर्न निर्देशन दिएका छन्।

अध्यक्षमा निर्वाचित भएपछि बधाई दिन पुगेका अखिल (क्रान्तिकारी) की अध्यक्ष पञ्चा सिंह सहितको टोलीलाई निर्देशन दिँदै प्रचण्डले गुट उपगुट भत्काउन र क्रान्तिकारी पार्टी निर्माण गर्न भनेका हुन्।

विज्ञापन

अखिल (क्रान्तिकारी) का नेता जीपी मैनालीका अनुसार भेटमा प्रचण्डले महाधिवेशनले समाजवाद उन्मुख कार्यदिशा सहितको विचार अबलम्बन गरेको र विचार अनुसारको क्रान्तिकारी संगठन निर्माण अबको आवश्यक्ता भएको बताएका थिए।

विज्ञापन

पार्टी पुनः निर्माणमा आफू सम्पूर्ण सामर्थ्यसहित जुटिसकेको र नेता कार्यकर्ताहरूबाट पनि यही अपेक्षा गरेको उनले बताए।