शुक्रबार, कार्तिक ५, २०७८
जोडिनुहोस
  • होमपेज
  • समाचार
  • नेकपा एसको उपाध्यक्षमा वामदेव, महासचिव बेदुराम
समाचार

नेकपा एसको उपाध्यक्षमा वामदेव, महासचिव बेदुराम

काठमाडौं ।

राजधानीमा जारी नेकपा एकीकृत समाजवादी पार्टीको केन्द्रीय समितिको पहिलो बैठकले नेतृत्वलाई पूर्णता दिने भएको छ । मंगलबारदेखि शुरु भएको बैठकमा पार्टी अध्यक्ष माधवकुमार नेपालद्वारा प्रस्तुत राजनीतिक प्रतिवेदनमाथि पाँच वटा समूह बनाएर आज छलफल चलेको थियो ।

बुधबारको बैठकमा अध्यक्षले प्रस्तुत गरेको राजनीतिक प्रतिवेदनमाथि उठेका जिज्ञासाको जवाफ पेश गरेका छन् । बालुवाटारमा मन्त्रिपरिषद् विस्तारको लागि गठबन्धन दलको बैठकमा भाग लिनुपर्ने भएकाले अध्यक्ष नेपाल निस्किएका थिए ।

विज्ञापन

बैठकमा कमिटी विस्तारको एजेण्डामाथि छलफल अझै बाँकी छ । मिडिया क्षेत्रबाट वरिष्ठ पत्रकार शम्भु श्रेष्ठ र बालकृष्ण चापागाईं एकीकृत समाजवादीको केन्द्रीय सदस्य बन्ने सम्भावना छ ।

जारी बैठकमा नेताहरुबीच महासचिवबारे अनौपचारिक छलफल भएको बताइएको छ । महासचिवमा सबैभन्दा धेरै चर्चा नेता राजेन्द्रप्रसाद पाण्डेको भएको छ । अध्यक्ष नेपालले भने केपी ओली बराबर १४ बर्ष जेल बसेका स्थायी समिति सदस्य बेदुराम भुसाललाई बनाउँदा कसो होला ? भनेर सोधेका थिए ।

नेता पाण्डे छिट्टै बागमती प्रदेशको मुख्यमन्त्री बन्ने भएकाले भुसालको नाममा सहमति हुने सम्भावना भएको बताइएको छ । पार्टीमा योगदान र वरिष्ठताको हिसाबले पनि भुसाल महासचिव बन्ने सम्भावना रहेको बताइएको छ । बैठकमा उपस्थित एक नेताले बताएअनुसार डा.विजय पौडेलले पनि महासचिवमा चाहना राखेका छन् ।

उपाध्यक्ष भने नेता वामदेव गौतमको हाललाई खाली राखिने भएको छ । उनले पार्टीले जनताको बहुदलीय जनवादलाई मार्गनिर्देशक सिद्धान्त मानेपछि मात्र आउने बताएकाले हाललाई उपाध्यक्ष खालि राख्न लागिएको हो ।

वामदेव गौतमलाई मनाउन मंगलबार राती उनकै निवासमा केहि नेताहरू पुगेको र लामो छलफल भएको बताइएको छ । टोलीमा बलदेव चौधरी, केशवलाल श्रेष्ठ,सावित्रा भुसाल, महेश रेग्मी,शारदा सुवेदीलगायत रहेको बताइएको छ ।

फेसबुक प्रतिक्रियाहरु

चर्चामा

सम्बन्धित समाचार

प्रधानन्यायाधीशलाई महाभियोग लगाउन आह्वान
समाचार
प्रधानन्यायाधीशलाई महाभियोग लगाउन आह्वान

काठमाडौं। पूर्वन्यायाधीशहरूको संगठनले प्रधानन्यायाधीशलाई प्रतिनिधीसभाले महाभियोग लगाउनुपर्नेसम्मको आह्वान गरेको छ। पूर्वन्यायाधीशहरूको संगठन ‘पूर्वन्यायाधीश फोरम, नेपाल’ले आज एक विज्ञप्ति सार्वजनिक गर्दै प्रधानन्यायाधीश चोलेन्द्र शमशेर राणाको कार्यसम्पादनले न्यायिक नेतृत्वप्रति जनमानसमा शंका उत्पन्न भएको टिप्पणी गर्दै महाभियोगसम्म जानुपर्ने संकेत गरेको हो। विज्ञापन ‘सर्वोच्च अदालतद्वारा सर्वोच्च अदालत उपर नै अन्तरिम आदेश जारी हुनु, न्यायिक मान्यताविपरीत त्रुटिपूर्ण अन्तरिम आदेश बेलैमा […]

  • ३ घन्टा अगाडि

भर्खरै

सिफारिस