तनहुँ कांग्रेसमा पहिरो: रामचन्द्र पौडेल निकट नेताहरूले पार्टी छोडे
काठमाडौं । स्थानीय तह निर्वाचनको चुनाव नजिकिँदै गर्दा नेपाली कांग्रेसका वरिष्ठ नेता रामचन्द्र पौडेलको गृह जिल्लामा नेताहरूले राजीनामा दिएका छन् ।
पार्टीभित्र असन्तुष्टि व्यक्त गर्दै पौडेल निकट आधा दर्जन बढी नेताहरूले राजीनामा दिएका छन् । राजीनामा दिनेहरूमा तनहुँ कांग्रेस पूर्व जिल्ला सचिव विश्व बास्तोला, कांग्रेस पूर्वा क्षेत्रीय सभापति महेश्वर भट्टराई रहेका छन् ।
विज्ञापन
यस्तै पार्टीका विभिन्न समितिमा रहेका चूडामणि दाहाल, दीपेन्द्र पौडेल, दीर्घ थापा, ऋषिराम महत, बाबुराम बगाले समेतले राजीनामा दिएका छन् ।
विज्ञापन
पार्टीले योगदानअनुसार स्थानीय तहको टिकट वितरण नगरेको भन्दै उनीहरूले असन्तुष्टि जनाएका हुन् ।
उनीहरूमध्ये महेश्वर भट्टराईले शुक्लागन्डकीको मेयरमा, दाहालले व्यास १ को वडा अध्यक्षमा, थापाले व्यास २ को वडा अध्यक्षमा, पौडेलले शुक्लागन्डकी नपा—३ को वडा अध्यक्ष र महतले शुक्लागन्डकी नपा—८ को वडा अध्यक्षमा स्वतन्त्र उम्मेदवारी दिएका छन् ।
चर्चामा
सम्बन्धित समाचार
फेसबुक प्रतिक्रियाहरु