काठमाडौं।

विज्ञापन

एमाले प्युठानको अध्यक्षमा विजयविराज विष्ट विजयी भएका छन् । सोमबार सम्पन्न मतगणनाको अन्तिम परिणामअनुसार उनले तीन सय १४ मत ल्याएका छन् ।

विज्ञापन

अध्यक्षका अर्का प्रतिस्पर्धी नेहरसिंह केसीले एक सय ७६ मत पाए । पदाधिकारीमध्ये उपाध्यक्षमा झगबहादुर विश्वकर्मा, सचिवमा माधव शर्मा तथा दुई सहसचिवमा श्रीधर रोका र दीपा घर्ती विजयी भएका छन् । अध्यक्षमा विजयी विष्ट वामदेव गौतम निकट हुन् ।

उनी गौतमका स्वकीय सचिवालयमा कार्यरत थिए । विष्टलाई हराउन भनी एमाले अध्यक्ष केपी ओलीका पूर्वप्रेस सल्लाहकार सूर्य थापा प्युठान पुगेका थिए । उनी २०७४ सालको निर्वाचनमा समेत भोट हाल्न गएका थिएनन् ।

तर, यसपटक भने विष्टलाई अध्यक्ष बन्न नदिन नेहरसिंह केसीलाई अध्यक्षमा उठाएका थिए । तर, थापाका उम्मेदवार केसी विष्टभन्दा दोब्बर मतले पराजित भएका छन् ।

प्युठान वामदेव र सूर्य थापाको गृहजिल्ला हो । एमालेमा नरहे पनि अझैसम्म वामदेवको प्युठानमा पकड नै रहेको यसले देखाउँछ ।