जनकपुरधाम । नेकपा एमालेका उपमहासविच प्रदिप ज्ञवालीले सरकारले मुलुकको राजनीतिलाई गलत बाटोमा लगिरहेको आरोप लगाएका छन् । बुधबार सिरहाको सर्रे अम्बासमा भएको पार्टीको सचिवालय बैठकपछि बोल्दै उनले यस्तो आरोप लगाएका हुन् ।

ज्ञवालीले भ्रष्टाचारलाई ढृढतापूर्वक नियन्त्रण गर्नुको साटो सेलेक्टिभ ढंगले छनौट गरी आफ्नो मान्छेलाई जोगाउने र अरुलाई तर्साउने ढंगले गरेको निर्णय भेदभावपूर्ण भएको बताए । उनले भने, ‘चाहे ललिता निवासको कुरा होस्, सुन प्रकरणको कुरा होस् , चाहे अरु कुनै प्रकरणको कुरा होस् त्यो सबै निर्णय उठाएका कदमहरु भेदभावपूर्ण छन् । राजनीतिक उदेश्यले प्रेरित छन् ।’

विज्ञापन

सरकारले भ्रष्टाचार नियन्त्रण गर्न भन्दा पनि सत्तामा टिकिरहने मनसायले यस्तो कामहरु गरिरहेको उनले बताए । महासचिव ज्ञवालीले गिरीबन्धु टि स्टेट प्रकरणमा आफूहरुले कुनै गल्ती नगरेको बताउँदै त्यसमा सरकारलाई इच्छा भए छानबिन गर्न सुझाए ।

विज्ञापन

सचिवलायको बैठकमा ८ बुँदे प्रस्ताव पारित भएको उपमहासचिव ज्ञवालीले बताए ।