केही समय अघि हाल सम्मकै सबै भन्दा ठूलो आइपीओ सार्वजनिक गरेको नेपाल पूर्वाधार विकास बैंक(निफ्रा)को नयाँ कम्पनी थप्ने प्रक्रिया तिब्र रुपमा अगाडि बढेको छ ।

छिमेकी मुलुक भारत र बंगलादेशमा विद्युत् बेच्न अनुमति दिने प्रक्रिया अगाडि बढेको छ । अहिले यो प्रक्रिया मन्त्रालयमा स्वीकृतिको चरणमा रहेका छन् र छिट्टै यो काम टुंगिने कम्पनीको विश्वास छ ।

विज्ञापन

बैंकले भारत र बङ्गलादेशका व्यापारीहरुको लगानी भित्र्याउने प्रस्ताव ऊर्जा, जलश्रोत तथा सिंचाईं मन्त्रालयमा पठाएको थियो । नेपालको विद्युत् छिमेकी मुलुकमा बेच्न सक्ने क्षमता अध्ययन गरेर मन्त्रालय निफ्रालाई विदेशी कम्पनीहरुको सहकार्यमा ‘विद्युत् व्यापार कम्पनी’ खोल्न दिने विषयमा सकारात्मक रहेको बताइएको छ ।

विज्ञापन

मन्त्रालयले कार्यविधि र त्योसँग सम्बन्धित विषयमा कागज पत्र तयार गर्ने प्रक्रिया सुरु भएको र मन्त्रालयले अहिले विद्युत् प्राधिकरण र सम्बन्धित महाशाखामा छलफल गरिरहेको छ ।

निफ्राले प्रस्ताव गरेको कम्पनीमा भारतीय र बंगलादेशीहरुको समेत लगानीको प्रस्ताव गरिएको छ । उक्त कम्पनीमा विदेशी कम्पनीहरूको ३६, निफ्राको १५ देखि २०, सरकार तथा नेपाल विद्युत् प्राधिकरणको २०, बैंक तथा वित्तीय संस्था र निजी क्षेत्रले २५ देखि ३० र सर्वसाधारणलाई प्राथमिक शेयर (आईपीओ) का लागि १० प्रतिशतसम्म स्वामित्व हुने प्रस्ताव गरिएको छ ।