बुधबार, कार्तिक २५, २०८३
  • होमपेज
  • समाचार
  • केपी ओलीलाई घनश्याम भुसालको टक्कर,रावल र भुषाल बीच बन्यो यस्तो रणनीती
समाचार

केपी ओलीलाई घनश्याम भुसालको टक्कर,रावल र भुषाल बीच बन्यो यस्तो रणनीती

काठमाडौं।

नेकपा (एमाले) का उपमहासचिव घनश्याम भुसालले १० औं राष्ट्रिय महाधिवेशनमा आफ्नो उम्मेदवारी घोषणा गर्ने तयारीमा जुटेका छन्। एमाले उपाध्यक्ष भीम रावलले अध्यक्ष पदमा उम्मेदवारी दिने घोषणा गरेसँगै उपमहासचिव भुसालले पनि उम्मेदवारी घोषणाको तयारीमा जुटेका हुन्। उनी निकट स्रोतका अनुसार भुसालले उपाध्यक्ष पदमा उम्मेदवारी दिने तयारीमा छन्।

विज्ञापन

यद्यपि भुसाल यस विषयमा आफू निकट नेता कार्यकर्ताहरूसँगको छलफलमा रहेको बुझिएको छ। पार्टीका केही नेता, महाधिवेशन प्रतिनिधि, शुभचिन्तक र समर्थकसँगको छलफल पछि उनले उपाध्यक्ष पदमा उम्मेदवारी घोषणा गर्ने उनी निकट नेताहरूको भनाइ छ। यसअघि आफू निकटसँग महासचिवमा उम्मेदवारी दिन सक्नेबारे छलफल गरेका भुसाल महाधिवेशन नजिकिँदै गर्दा उपाध्यक्षको तयारीमा पुगेका हुन्।

विज्ञापन

‘उहाँलाई धेरैतिरबाट उपाध्यक्षमा उम्मेदवारी दिन सुझाव आएको छ। महासचिवमा उठ्दा हार्न सकिने तर उपाध्यक्षमा सम्भावना हुने शुभचिन्तकको बुझाइ छ,’ भुसालनिकट एक नेताले भने, ‘अहिले नै केही सार्वजनिक भएको छैन। तर उहाँले उपाध्यक्षमै उम्मेदवारी दिनुहुन्छ होला।’ ती नेताका अनुसार भुसालको यस्तो तयारीपछि पार्टी अध्यक्ष केपी शर्मा ओलीले उनलाई बालकोटमा भेट्न बोलाएका छन्।

‘बालकोटबाट भेटघाटका लागि खबर आएको छ। तर उहाँ जानुभएको छैन। त्यहाँ गएर नमस्कार गर्नुबाहेक अरू उपलब्धि नहुने भएपछि उहाँले चासो दिनुभएको छैन,’ भुसाल निकटस्थहरूको भनाई छ। एमाले महाधिवेशन आगामी मंसिर १० देखि १२ गतेसम्म चितवनमा हुँदैछ। महाधिवेशनमा १५ पदाधिकारी सर्वसम्मत चयन गर्ने अध्यक्ष ओलीको चाहना छ।

अध्यक्षमा आफैँ दोहोरिने चाहाना राखेका ओलीले सबै पदमा सहमति खोज्ने प्रयास गरे पनि ओली समूहमै आकांक्षी धेरै भएपछि निर्वाचन हुने लगभग निश्चित भएको छ। १९९९ महाधिवेशन प्रतिनिधि रहने भनिएको एमाले महाधिवेशनमा अधिकांश ओली पक्षबाट चयन भएका छन्। रावल र भुसाल समूहका झण्डै ४ सय महाधिवेशन प्रतिनिधि चयन भएको उनीहरूको आन्तरिक मूल्यांकन छ।

फेसबुक प्रतिक्रियाहरु

सम्बन्धित समाचार

ग्रेस इन्टरनेशनलको २०औँ वार्षिकोत्सव, चितवन र नवलपुरका विभिन्न स्थानमा सामाजिक कार्यक्रम सम्पन्न
समाचार
ग्रेस इन्टरनेशनलको २०औँ वार्षिकोत्सव, चितवन र नवलपुरका विभिन्न स्थानमा सामाजिक कार्यक्रम सम्पन्न

चितवन, कात्तिक २३ – ग्रेस इन्टरनेशनलले आफ्नो स्थापनाको २०औँ वार्षिकोत्सवको अवसरमा चितवन र नवलपुरका विभिन्न स्थानमा सामाजिक उत्तरदायित्व तथा सामुदायिक सेवा कार्यक्रम सम्पन्न गरेको छ । वार्षिकोत्सवका अवसरमा ग्रेस इन्टरनेशनल चितवन क्षेत्रअन्तर्गतका नारायणगढ, पर्सा र कावासोती शाखामार्फत रक्तदान, खाद्यान्न तथा घरायसी सामग्री सहयोग, विद्यार्थीलाई शैक्षिक सामग्री वितरण, स्वास्थ्य तथा शिक्षासम्बन्धी जनचेतनामूलक कार्यक्रम र स्वास्थ्य शिविर […]

  • ३ दिन अगाडि

भर्खरै

सिफारिस