सोमवार, कार्तिक २३, २०८३
  • होमपेज
  • समाचार
  • चितवन राष्ट्रिय निकुञ्जमा रेलमार्ग निर्माणका लागि विभागले दियो सर्वेक्षण अनुमति
समाचार

चितवन राष्ट्रिय निकुञ्जमा रेलमार्ग निर्माणका लागि विभागले दियो सर्वेक्षण अनुमति

 चितवन। राष्ट्रिय निकुञ्जको मध्यवर्ती वन क्षेत्रमा रेलमार्ग निर्माणका लागि राष्ट्रिय निकुञ्ज तथा वन्यजन्तु संरक्षण विभागले सर्वेक्षण अनुमति दिएको छ । निकुञ्ज हुँदै पूर्व–पश्चिम वन्यजन्तुमैत्री रेलमार्ग निर्माणका लागि विभिन्न प्रक्रियाअन्तर्गत सुरूवाती चरणमा सामान्य सर्वेक्षणका लागि अनुमति दिएको चितवन राष्ट्रिय निकुञ्जका प्रमुख संरक्षण अधिकृत अणनाथ बरालले बताए ।

उनले जथाभावी संरचना बनाउँदा वन्यजन्तुको बासस्थानमा असर पर्ने र वन्यजन्तु ओहोरदोहोरमा समस्या पर्ने भएकाले निकुञ्जभित्र रेलमार्ग सम्भव नहुने तर मध्यवर्ती क्षेत्रका बनहरुमा त्यो पनि आकासेपुल निर्माण गरी रेलमार्ग बनाउन कति सम्भव हुने/नहुने सर्वेक्षण गरेपछिमात्रै पत्ता लाग्ने बताए ।

विज्ञापन

चितवन राष्ट्रिय निकुञ्ज छलेर पूर्व–पश्चिम रेलमार्ग निर्माणको सम्भाव्यता अध्ययन गरिएको छ । यसअघि निकुञ्ज हुँदै रेलमार्गको सम्भाव्यता अध्ययन गरिएपछि वन मन्त्रालयले विकल्प खोज्न आग्रह गरेको थियो । रेल विभागका वरिष्ठ इन्जिनियर प्रकाश उपाध्यायका अनुसार पछिल्लो सम्भाव्यता अध्ययनबमोजिम निकुञ्ज छल्नका लागि चितवनको सौराहा र टाँडीबीच हुँदै बिसहजारी तालको दक्षिणतर्फबाट र भरतपुर विमानस्थलको पश्चिमबाट रेलमार्ग बनाइने भएको छ ।

विज्ञापन

भरतपुर विमानस्थलको पश्चिमपट्टि लङ्कूको पनि पश्चिमबाट खरखरेघाट हुँदै नवलपरासीको मुकुन्दपुरबाट रेल सञ्चालन हुने भएको हो । यसअघिको सम्भाव्यता अध्ययनमा पर्साको ठोरी हुँदै चितवनको माडीबाट निकुञ्ज पार गरेर गोलाघाटबाट नवलपरासीतर्फ जाने थियो ।

विश्वसम्पदा सूचीमा परेको निकुञ्ज हुँदै रेल सञ्चालन हुँदा वन्यजन्तु संरक्षणमा कठिनाइ पर्ने भन्दै संरक्षणकर्मी र वन मन्त्रालयले विकल्प खोज्नुपर्ने अडान लिँदै आएका थिए । विश्वसम्पदा सूचीमा परेका क्षेत्रबाट पूर्वाधार निर्माण गर्दा युनेस्कोबाट अनुमति लिनुपर्ने भएपछि विकल्प खोजिएको हो ।

यो क्षेत्रबाट रेलमार्ग बनाउने गरी रूट सर्वे सकिएकाले अब विस्तृत परियोजना प्रतिवेदन (डिपिआर)को प्रक्रिया अघि बढाउने तयारी गरिएको उपाध्यायले बताए । उनका अनुसार आगामी आर्थिक वर्षमा डिपिआरको काम सम्पन्न गरी ठेक्का प्रक्रियामा जान सकिनेछ ।

फेसबुक प्रतिक्रियाहरु

सम्बन्धित समाचार

ग्रेस इन्टरनेशनलको २०औँ वार्षिकोत्सव, चितवन र नवलपुरका विभिन्न स्थानमा सामाजिक कार्यक्रम सम्पन्न
समाचार
ग्रेस इन्टरनेशनलको २०औँ वार्षिकोत्सव, चितवन र नवलपुरका विभिन्न स्थानमा सामाजिक कार्यक्रम सम्पन्न

चितवन, कात्तिक २३ – ग्रेस इन्टरनेशनलले आफ्नो स्थापनाको २०औँ वार्षिकोत्सवको अवसरमा चितवन र नवलपुरका विभिन्न स्थानमा सामाजिक उत्तरदायित्व तथा सामुदायिक सेवा कार्यक्रम सम्पन्न गरेको छ । वार्षिकोत्सवका अवसरमा ग्रेस इन्टरनेशनल चितवन क्षेत्रअन्तर्गतका नारायणगढ, पर्सा र कावासोती शाखामार्फत रक्तदान, खाद्यान्न तथा घरायसी सामग्री सहयोग, विद्यार्थीलाई शैक्षिक सामग्री वितरण, स्वास्थ्य तथा शिक्षासम्बन्धी जनचेतनामूलक कार्यक्रम र स्वास्थ्य शिविर […]

  • १९ घन्टा अगाडि

भर्खरै

सिफारिस