काठमाडौं । पाँच दलिय सत्ता गठबन्धनले वैशाख २३ गते काठमाडौंमा विशाल चुनावी सभा गर्ने भएको छ ।

स्थानीय तहको निर्वाचनका लागि गठबन्धनका दलहरुको आन्तरिक तयारी र अनुगमन गर्ने संयन्त्रको बुधबार बसेको बैठकले यसअघिको समय तालिका संसोधन गर्दै २३ वैशाखमा काठमाडौंमा दिनको १ बजे केन्द्रीय तहको चुनावी सभा गर्ने निर्णय गरेको हो । यसअघि सत्ता गठबन्धनले ८ वैशाखमा सातै प्रदेशमा चुनावी सभा गर्ने निर्णय गरेको थियो ।

विज्ञापन

नेपाली कांग्रेसका वरिष्ठ नेता रामचन्द्र पौडेलको संयोजकत्वमा बसेको संयन्त्रको बैठकले गठबन्धनका दलहरुले स्थानीय तहमा आवश्यकता अनुसार चुनावी सभा गर्न सक्ने निर्णय समेत गरेको छ ।

विज्ञापन