रेणु र चित्रसेनको पक्षमा ढल्कियो भरतपुर, प्रतिस्पर्धीहरू डराए
भरतपुर । नेपाली कांग्रेस र माओवादी केन्द्रले निकै चर्चामा रहेको भरतपुर महानगरपालिकाको मेयर र उप–मेयरमा मनोनयन दर्ता गराएका छन् ।
सोमबार निर्वाचन कार्यालयमा पुगेर माओवादीबाट रेणु दाहालले मेयरमा मनोनयन दर्ता गराएकी हुन् । उप–मेयरमा कांग्रेसको तर्फबाट चित्रसेन अधिकारीले मनोनयन दर्ता गराएका छन् ।
विज्ञापन
माओवादीले मेयर लिएको छ । कांग्रेसले उप–मेयरमा उम्मेदवारी दिएको छ ।
विज्ञापन
सोमबारदेखि भरतपुर महानगरमा मेयरकी उम्मेदवार रेणु र उप–मेयरका उम्मेदवार अधिकारीको पक्षमा देखिएको नेताहरूको भनाइ छ ।
यसैबीच, चितवन कांग्रेसका सभापति राजेश्वर खनालले बागी उम्मेदवारलाई कारबाही हुने चेतावनी दिएका छन् ।
उनले उम्मेदवारी दर्ता गराउने नेता जगन्नाथ पौडेलले उम्मेदवारी फिर्ता नलिए पार्टीले कारबाही गर्ने बताएका छन् ।
उनले असन्तुष्ट समूहलाई कांग्रेस केन्द्रीय परिपत्रअनुसार उम्मेदवारी फिर्ता लिने समय अवधिसम्म फिर्ता नभए कारबाही हुने बताए ।
रेणु दाहालले जनअभिमतबाट पनि प्रतिगमनलाई पराजित गरिने बताएकी छिन् ।
उनले भनिन्, ‘हामीले आन्दोलनमार्फत प्रतिगमनलाई पराजित गरेका थियौँ । अब जनअभिमतबाट पनि पराजित गर्छौं ।’
‘आम जननताको साथ र विश्वास मेरो जित्ने आधार हो’, उनले भनेकी छिन् ।
कांग्रेसको बागी उम्मेदवारबाट आफूलाई कुनै असर नपर्ने दाबी रेणुको छ । ‘दोस्रो पटक उम्मेदवारी दर्ता गर्दा म निकै खुसी छु’, उनले भनेकी छिन्, ‘मेरो जित सुनिश्चित छ ।’
रेणु अघिल्लो पटक पनि कांग्रेसकै समर्थनमा भरतपुरको मेयरमा विजयी भएकी थिइन् ।
यसपटक उनको मुख्य प्रतिस्पर्धा एमालेका विजय सुवेदीसँग हुँदैछ ।
मनोनयन दर्ता गराउने क्रममा कांग्रेसकी प्रदेश सांसद गीता वाग्ले, माओवादी केन्द्रका नेता मधु न्यौपाने, नेता नारायण दाहाल पनि निर्वाचन कार्यालय पुगेका थिए ।
चर्चामा
सम्बन्धित समाचार
फेसबुक प्रतिक्रियाहरु