राहत माग्दै मुख्यमन्त्री कार्यालय पुगिन् बिना मगर !
काठमाडौं ।
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’की बुहारी तथा पूर्व मन्त्री बिना मगर वर्षाका कारण धानबालीमा क्षति व्यहोरेका किसानका लागि राहत माग्दै मुख्यमन्त्री कार्यालय पुगेकी छन् ।
विज्ञापन
गृहप्रदेश सुदूरपश्चिमका मुख्यमन्त्री त्रिलोचन भट्टलाई भेटेर नेत्री मगरले वर्षा प्रभावितका लागि राहत मागेकी हुन् । मुख्यमन्त्री भट्टलाई भेटेर मगरले ज्ञापनपत्र समेत बुझाएकी छन् ।
विज्ञापन
पूर्व मन्त्री मगरले अविरल वर्षाले निम्त्याएको डुबान र बाढीका कारण जनजीवन निकै प्रभावित भएकाले जीवनलाई सहजीकरण गर्नका निम्ति प्रदेश सरकारलाई अनुरोध गरेकी छन् ।
ज्ञापन पत्रमा किसान लगायत डुबान प्रभावित क्षेत्रका जनतालाई अविलम्ब राहत उपलब्ध गराउनुपर्ने, बाढीले प्रभावित जनताको स्वास्थ्य उपचार र बिचल्लीमा परेका नागरिक लगायत बसोबासको व्यवस्था मिलाउन, किसानलाई क्षतिपूर्तिसहित आवश्यक व्यवस्थापन गर्नुपर्ने माग राखिएका छन् ।
ज्ञापनपत्र बुझेपछि मुख्यमन्त्री भट्टले वर्षा र बाढीका कारण मारमा परेका जनतालाई राहत उपलब्ध गराउने विषयमा प्रदेश सरकार गम्भीर रहेको बताए । ‘प्राकृतिक विपत्तिले निम्त्याएको समस्या साझा समस्या भएकाले सबैले हातेमालो गरेर समस्याको समाधान गर्नतर्फ लाग्नुपर्छ,’ मुख्यमन्त्री भट्टले भने, ‘प्रदेश सरकार तपाईको साथमा छ, जे हामीले गर्न सक्छौं, त्यो गर्दछौं र नसक्ने विषयमा संघीय सरकारसँग समन्वय गरी अगाडि बढ्ने छौं ।’
मुख्यमन्त्री भट्टले वर्षाले किसानको बालीनाली नोक्सान गरेकोबारे लगत संकलन गर्ने काम तीव्र गतिमा भइरहेको बताएका छन् ।
चर्चामा
सम्बन्धित समाचार
फेसबुक प्रतिक्रियाहरु