बालुवाटारमा प्रचण्ड र माधवको नयाँ प्रस्ताव
काठमाडौँ।
गठबन्धन टुट्ने चर्चाबीच माओवाडी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपाल नयाँ प्रस्ताव लिएर बालुवाटार पुगेका छन् । अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी) पास गर्ने विषयमा उनीहरूले नयाँ प्रस्ताव गरेका हुन् ।
विज्ञापन
सत्ता गठबन्धन अप्ठ्यारोमा परेको बेला बिहीवार बिहान प्रधानमन्त्रीलाई भेट्न प्रचण्ड र नेपाल बालुवाटार पुगेका थिए । प्रधानमन्त्री एवं नेपाली कांग्रेसका सभापति शेरबहादुर देउवा र प्रचण्ड र नेपालबीच छलफल भएको बताइएको छ ।
विज्ञापन
कांग्रेस नेता डा. शेखर कोइरालालाई भेटेलगत्तै देउवालाई भेट्न प्रचण्ड बालुवाटार पुगेका हुन् । माओवादी स्रोतका अनुसार प्रचण्डले एमसीसी अनुमोदनका लागि केही समय थप गर्न अमेरिकासँग आग्रह गरिसकेका छन् । कम्तीमा स्थानीय तहको चुनाव सकीएपछि एमसीसी पास गर्ने सर्त राखेको बताइएको छ ।
प्रतिपक्षी दलका नेता केपी शर्मा ओली सहितको बैठकमा पनि प्रचण्डले एमसीसीलाई चुनावपछि धकेल्न प्रस्ताव गरेका थिए । अमेरिकाले एमसीसी अनुमोदनका लागि २० दिनको समय दिएको छ ।
प्रधानमन्त्री देउवा जसरी भए पनि एमसीसी अगाडि बढाउने पक्षमा देखिएका छन् । बालुवाटारको बैठकमा नेकपा एकीकृत समाजवादी (एस) का अध्यक्ष नेपाल पनि सहभागी थिए । नेकपा एसले एमसीसीविरुद्ध फागुन १ गते आन्दोलनको घोषणा गरिसकेको छ ।
चर्चामा
सम्बन्धित समाचार
फेसबुक प्रतिक्रियाहरु