बाबुराम भट्टराई र महन्थ ठाकुरकाे नेतृत्वमा नयाँ दल बनाउने तयारी
काठमाडौं ।
जनता समाजवदी पार्टी ( जसपा) को संघीय परिषद् अध्यक्ष बाबुराम भट्टराई विकल्पको खोजीमा लागेका छन् । जसपाका अध्यक्ष उपेन्द्र यादवसँग सम्बन्ध बिग्रिदै गएपछि भट्टराई नयाँ विकल्पमा लागेका हुन् । नयाँ पार्टी बनाउने वा महन्थ ठाकुरसँग मिलेर जाने भन्नेमा भट्टराई आन्तरिक छलफलमा रहेको भट्टराईनिकट स्रोतको दावी छ । बाबुराम अहिले गोरखामा निर्वाचन कसरी जितिन्छ भन्ने विश्लेषणसहित नयाँ विकल्पको खोजीमा लागेकाे स्राेत बताउछ।
विज्ञापन
विज्ञापन
उपेन्द्र यादवसँग बढ्दो दुरीले भट्टराईलाई ठाकुरतिर लैजान सजिलो बनाइरहेको छ । स्रोतका अनुसार, भट्टराई र ठाकुर मिलेर नयाँ पार्टी बनाउने र चुनावमा कांग्रेससँग तालमेल हुने संभावना रहेको लोसपाका एक नेताको दावी गरे । अहिले परिस्थिति परिपक्व भइनसकेपनि घटनाक्रम त्यसैतिर अगाडि बढेको छ ।
बाबुराम भट्टराई अहिले माओवादीसँग मिल्ने अवस्था छैन । माओवादी वा कांग्रेसममध्ये एकको साथ विना गोरखामा चुनाव जित्ने अवस्था हुँदैन ।
भट्टराई माओवादीको साथ नलिने सोचमा रहेका कारण ठाकुरसँग मिलेर कांग्रेसको साथमा निर्वाचन जित्ने सोचमा रहेका छन् ।
गोरखाको भट्टराईको निर्वाचन क्षेत्रमा माओवादीका नारायणकाजी श्रेष्ठको प्रभाव पनि बलियो भएकोले माओवादीसँग मिल्दा गोरखामा टिकट पाउने संभावना हुँदैन । त्यसैले पनि उनी माओवादीको विकल्पमा रहेका हुन् ।
धेरैले अहिले बाबुराम र प्रचण्डसँग मिल्न सक्ने चर्चा गरेपनि खासमा बाबुराम समाजवादी केन्द्र बनाएर महन्थ ठाकुरसँग मिल्ने उनीनिकट स्रोतको दावी छ । बाबुरामले आफूनिकटका नेताहरुलाई आउँदो निर्वाचन अन्तिम भएकोले सहयोग गर्न भनिरहेका छन् ।
चर्चामा
सम्बन्धित समाचार
फेसबुक प्रतिक्रियाहरु