काठमाडौं ।

नेकपा एकिकृत समाजवादीका केन्द्रीय सदस्य राजु गुरुङले पार्टीमा आर्कषण बढ्दै गएको भन्दै कमजोर आकल नगर्न आग्रह गरेका छन ।

विज्ञापन

नेकपा एमालेले लुम्बिनी प्रदेशमा पार्टी विभाजनको कुनै असर नपरेको भन्दै दावी गर्दै आएकोमा त्यसको खण्डन गर्दै प्रदेश सचिव समेत रहेका गुरुङले त्यसको पुष्टिका लागि आगामि निर्वाचनसम्म पर्खन आग्रह गरेका हुन ।

विज्ञापन

युवा संघ नेपाल बुटवल उपमहानगरको भेलालाई शनिबार सम्बोधन गर्दै नेता गुरुङले बुटवलबाट एमालेका उपाध्यक्ष विष्णु पौडेललाई आफूसँग चुनाव जितेर देखाउन चुनौती दिए ।

रुपन्देही निर्वाचन क्षेत्र न, २ का प्रतिनिधिसभा सदस्य रहेका पौडेललाई अब आउने चुनावमा आफूले हराउने बताउँदै चुनाव जित्न चुनौती पेश गरेका हुन ।

आउने चुनावमा नेता पौडेलका लागि सहज नभएको बताए । ‘नेकपा एकिकृत समाजवादीलाई कमजोर भनेर अभिव्यक्ति दिएको सुन्छु, त्यसो हो भने म चुनौती दिन चाहन्छु, क. विष्णु पौडेल मसँग चुनाव जितेर देखाउनुस’ गुरुङले भने ।

उनले एमालेले कम्यूनिष्ट आचरण र चरित्र छाडिसकेको बताउँदै क्रान्तिकारी एमालेहरु नेकपा (एस) मा आर्कषित भएको बताए ।

लुम्बिनी प्रदेश सचिव समेत रहेका गुरुङले बुटवलमा आफ्नो पार्टीलाई कमजोर आकलन नगर्न समेत आग्रह गरे । ‘हामी संगठन निर्माणलाई

तिव्रता दिएका छौं, गठबन्धन नै नभएपनि हामी चुनावमा जित्छौं’ उनको दावी छ ।

युवाहरुलाई राजनीतिक चेत दिने बेला बा र आइलभयू भन्न लगाएर दास बनाउन खोजेको उनको टिप्पणी छ। उनले युवाशक्तिले कम्यूनिष्ट आचरण त्याग्न नसक्ने बताउँदै चुनावसम्म लाखौं युवाहरु आफूहरुसँग आउने बताए ।

भेलामा युवा संघ, नेपालका केन्द्रीय उपमहासचिव सरिता श्रीस, नेकपा एकिकृत समाजवादीका नेता चिनबहादुर गुरुङले बोल्दै युवाहरु वैचारिक र अनुशासित बन्नुपर्नेमा जोड दिए ।

बुटवल उपमहानगरको भेलाले कृष्ण थापाको अध्यक्षतामा १५१ सदस्यीय कमिटि गठन

गरेको छ । कमिटिको उपाध्यक्षमा धनसिंह खाम्चा, सचिवमा सारधुल मयूर कसौधन, सह-सचिवमा सोम खाती, कोषाध्यक्ष हिता गुरुङ रहेका छन ।