भरतपुर ।

नेकपा एमालेको १० औं महाधिवेशन लक्षित गरि जिल्ला सुरक्षा समिति चितवनले सुरक्षा रणनीति तय गरेको छ । महाधिवेशन उद्घाटन हुने दिन मंसिर १० गते विहान ९ वजेबाट वेलुकी ५ः३० वजेसम्म नारायणगढ भरतपुर क्षेत्रमा निश्चित सडक क्षेत्रमा सवारी आवागमन निषेध गरिएको छ । पूर्वपश्चिम राजमार्ग नारायणढ हुँदै आवातजावत गर्ने बढी प्रभावित हुनेदेखिन्छ ।

विज्ञापन

मुग्लिनबाट पूर्वतर्फ जानका लागि भने भोजाड हुँदै भित्रीबाटो टाँडी निस्कन सक्ने रुट तय गरिएको छ ।
दिनभर नै मुल सडक प्रभावित हुने भएपछि यस विषयमा टाढाटाढाको यात्रुलाई मर्का पर्ने भएकाले केन्द्रबाटै विभिन्न जिल्लाहरुमा सूचना सर्कुलर गरिएको छ ।

विज्ञापन

जिल्ला प्रहरी प्रमुख एसपी ओम अधिकारीका अनुसार आँपटारीबाट भित्र, पुल्चोकबाट भित्र, पोखरा वसपार्कबाट भित्र रिङरोडको भाग प्रवेशमा रोक लगाइएको छ । मुख्य राजमार्गसँग जोडिएका भित्री मार्गहरुको केही भागमा आवागमन निषेध गरिएको छ । यातायात व्यवस्थापनका लागि १ सय ९६ जना ट्राफिक खटिने छन् । ५ लाख जनसहभागिता हुँदा करिव ६ हजार गाडी त्यस दिन चितवन आउनेछन् ।