चितवन : आफु र महानगरलाई लाइ मुछेर गरिएको समाचार प्रती भरतपुर महानगर मेयर रेनु दाहालले आपत्ति जनाएकी छिन्।

केही अनलाइन समाचार माध्यमहरुले चितवनको भरतपुर महानगरपालिकाले कोरोनाका संक्रमितहरुको शब व्यवस्थापन अत्याधिक रकम असुलेको भन्ने समाचार संप्रेसण गरेका थिए ।
मेयर दाहालले सामाजिक संजाल मार्फत अनावश्यक र हावादारी समाचार प्रकाशन र प्रसारण नगर्न अनुरोध सहित चेतावनी समेत दिएकी हुन्।
यस्ता अनावश्यक र भ्रामक समाचारमा सुधार नभए आफु कानुनी उपचार जाने समेत उनले उनले बताएकी छिन्

विज्ञापन

उनले कोरोनाबाट मृत्यु भएकाहरुको शब व्यवस्थापन गर्ने काम महानगरको नभई केन्द्रिय सरकारको दायित्व भएको र सोही अनुसार हुँदै आएको बताएकी छिन्। बरु त्यसको सहजिकरणको लागि महानगरले निशुल्क रुपमा चालक सहितको जेसिबी उपलब्ध गराएको उनले बताईन्।साथै अहिले भरतपुर महानगरले संक्रमितलाइ अस्पताल र घर सम्म पुर्‍याउन ४ वटा एम्बुलेन्स निशुल्क उपलब्ध गराएको उनको भनाइ छ ।

विज्ञापन

उनले भनेकी छिन् ,’ कोरोना संक्रमितको लागि अक्सिजन सहितको ३० बेड समेतको सेक्सन तयार पारिएको छ । साथै महानरले विभिन्न चार स्थानकाबाट एन्टिजेन परिक्षण समेत निशुल्क रुपमा गर्दै गराउदै आएको छ ।’
लेखेकी छिन् , समाजमा जसको काम हुदैन र समाजप्रति उत्तरदायी हुँदैन त्यसैले मात्र यस्ता भ्रामक र अनर्गल समाचार प्रसारण गर्छ। यस्ता समाचारले हामीलाइ थप काम गर्ने हौसला प्रेरित गर्छ।’

कोरोना मात्र हैन हरेक महामरी र समस्या प्रति महानगर जनताहरु माझ सधै संगै रहने र रहदै आएको समेत दाहालले बताएकी छिन्।

केही अनलाईनहरुमा प्रचण्डकी छोरिको महानगरमा लाशमा पनि लुट भन्दै समाचार आएको थियो।

उनको फेसबुक स्टाटस

कोरोनाको यस्तो भयाबह अबस्थामा पनि झुटको राजनिती र भ्रमको खेति गर्दै घटिया राजनिती कहिले सम्म गर्छौं तिमीहरू

घोर आपत्ति र खेद छ उक्त अनलाईन को समाचार प्रति।
पहिलो कुरा भरतपुर महानगरले बिगत देखि हाल सम्म कोरोना कहरमा जनउत्तरदायी भई आफ्नो बलबुताले भ्याए सम्म ईमान्दारितापुर्ण उपाए र कोसिस गर्दै आएको प्रस्ट छ।
आज एक अनलाईनले
कोरोना बाट मृत्यु भएकाको शब जलाएर भरतपुर महानगरले २८ हजार असुलेको भन्ने समाचार पुर्ण रूपले कपोकल्पित र झुटो रहेको साथै महानगर ले कुनै पनि लास ब्यबस्थापन गरेर पैसा नलिएको र शब जलाउने कार्य महानगरको नरहेको र नभएको प्रष्ट पार्न चाहन्छु। र यस्ता खाले भ्रमपुर्ण समाचार संप्रेषण गर्ने लाई आबश्यक कार्बाहीको माग गर्दछु।
१, कोरोना बाट मृत्यु भएकाहरूको लाशको ब्यबस्थापन गरिने दायित्व केन्द्र सरकारले सेना प्रहरी प्रशासन लाई तोकेको छ। आज सम्म ब्यवस्थापन त्यसरीनै हुदै आएको छ।फेरी पनि हामीले स्थानिय सरकारको तर्फ बाट बिगत देखिनै सम्पुर्ण शब ब्यबस्थापनका लागी महानगरको जेसिबी र चालकको ब्यबस्था गर्दै आएको छौं।
२,हाल महानगरले संक्रमित बिरामीका लागी उपचारमा सहज होस भनेर ४ वटा एम्बुलेन्स निशुल्क ब्यबस्था गरिएको छ।
३, थप फेरि शब बहानको पनि निशुल्क ब्यबस्था महानगरले गर्ने गरि छिट्टै तयारी गर्दैछौं।
४ ,अक्सिजन सहितको आईसोलेसनको महानगर अन्तर्गत ३० बेडको तयार गरिएको छ। एन्टिजेन परिक्षण ४ ठाउ बाट अगाडी बढेको छ।
त्यसैले हामी हाम्रो महानगर बासी जनसमुदाय प्रति र भरतपुरमा उपचार गर्न आउने सबैका लागी पनि हिजो पनि आबश्यक सयोग र सेवा गर्दै आएका थिएऔं र अब पनि गर्नेछौं।
त्यसैले जसले समाजमा आफ्नो कर्तब्य एक ईन्च पुरा गर्दैन उसले अरूको बिरोधमै समय खर्चिने गर्छ। यस्तो अबस्थामा सत्य तथ्य समाचार संप्रेषण गरि जनसमुदाय लाई सुसुचित गर्नु पर्ने ठांउमा उल्टो झुटो समाचार प्रेषित गरी भ्रम छर्ने बिरोध मात्रै गरि बस्ने मनुवा लाई जति भने पनि कम नै हुन्छ।