बलिउड ।

साउथ सुपरस्टार अल्लु अर्जुनको चलचित्र ‘पुष्पाः द राइज’को यतिबेला डाइलगदेखि गीत लगायत सबै कुरा चर्चामा छ । टिकटकमा यसका गीतमा भिडियो बनाउनेहरू उत्तिकै छन् ।

विज्ञापन

यतिमात्रै नभएर क्रिकेटर रविन्द्र जडेजा र डेविड वार्नर पनि ‘तेरी झलक असर्फी’ गीतमा अभिनेता अल्लु अर्जुनको टाउको थोरै बंग्याएर कुममाथि खुम्चाउँदै हिँडेको र हातले चिँउडोमा सुम्सुमाएको जस्तो मुभको नक्कल गरिरहेका छन् ।

विज्ञापन

पूरै चर्चामा आएको पुष्पाको यो मुभ (हात चिउँडोमा लगेको) यसको ओरिजिनल भने नभएको खबर आएको छ । नवभारत टाइम्सकाअनुसार यो स्टाइल दक्षिण भारतीय अभिनेत्री साई पल्लवीले पहिले नै एउटा चलचित्रमा गरिसकेकी छन् । उनले चलचित्र ‘राउडी बेबी’ गीतमा यो मुभ गरेका थिइन् ।

यो चलचित्रमा अभिनेत्री पल्लवीको अपोजिट अभिनेता धनुष थिए ।

यो गीत चलचित्र ‘मारी २’ को हो । यो चलचित्र र गीत हिट भयो तर गीतमा अभिनेत्रीको मुभ त्यति नोटिस गरिएन ।

चलचित्रको प्रमोसनको क्रममा अभिनेता अल्लुले यो मुभ अरू नै चलचित्रमा रहन गएको कथा सुनाएका थिए । उनकाअनुसार उनले अरू नै चलचित्रको एउटा गीतमा यो स्टेप गरेका थिए, जुन निर्देशक सुकुमारले रुचाए र आफ्नो अर्को चलचित्रमा यही स्टेप राख्ने निधोसहित ‘पुष्पाः द राइज’ मा प्रयोग गरे र पपुलर पनि भयो ।

नवभारत टाइम्सबाट ।