अञ्जानमा मेरो गाडीले हिलो छ्यापेकोमा क्षमा चाहन्छु, गुनासो भए सम्पर्क गर्नुस् : वामदेव गौतम
ठेकेदारको लापरवाहीका कारण पाँच वर्षदेखि अलपत्र रहेको ललितपुरको भैँसेपाटी सडकको ओरालोमा आफ्नो गाडीले एक सर्वसाधारणलाई हिलो छ्यापेको घटना सम्बन्धमा पूर्वउपप्रधानमन्त्री वामदेव गौतमले दुःख व्यक्त गरेका छन् ।
विज्ञापन
बिहीवार दिउँसो पौने २ बजेको समयमा भैँसेपाटीबाट एयरपोर्ट जाने क्रममा गौतम चढेको गाडीले निर्माणाधीन सडकमा एक जना मोटरसाइकल चालकलाई हिलो छ्यापेको थियो ।
विज्ञापन
मोटरसाइकलमा सवार सर्वसाधारणमाथि हिलो छ्यापिएपछि उनले सडकमा आक्रोश व्यक्त गरेका थिए । राष्ट्रिय सभाका सदस्य समेत रहेका गौतमले आफू सवार गाडीबाट मोटर साइकलमा सवार चालकलाई हिलो छ्यापिएको घटना सम्बन्धमा दुःख व्यक्त गरेका छन् ।
‘मेरो गाडीले मोटरसाइकलमा सवार व्यक्तिलाई हिलो छ्यापिएको घटनाबाट म अत्यन्त दुःखी छु र क्षमायाचना गर्न चाहन्छु,’ गौतमले भने, ‘हामीबाट अञ्जानमा भएको गल्तीप्रति खेद व्यक्त गर्दछु ।’
गौतमले आफ्नो नम्बर दिँदै पीडित व्यक्तिलाई सम्पर्कमा आउन आग्रह गरेका छन् । उनले सबै हिसाबले क्षतिपूर्ति गर्न तयार रहेको बताएका छन् ।
‘हामी पर पुगेपछि मात्र हाम्रो गाडीले उहाँलाई हिलो छ्यापेको भन्ने थाहा पायौं, उहाँसँग सम्पर्क नभएकाले मेरो निम्न नम्बर (९८६९१३३६८१) मा फोन गरेर सम्पर्कमा आउन आग्रह गर्छु,’ गौतमले भने ।
ठेकेदारले समयमा निर्माण सम्पन्न नगर्दा यो सडकमा पैदल यात्रु र सवारी साधनमा यात्रा गर्ने यात्रुले सास्ती व्यहोर्दै आएका छन् ।
चर्चामा
सम्बन्धित समाचार
फेसबुक प्रतिक्रियाहरु