चितवन ।चितवनमा दैनिक १६० सिलिण्डर अक्सिजन ग्यास थपिएको छ । कलेज अफ मेडिकल साईन्सेज शिक्षण अस्पताल (पुरानो मेडिकल कलेज) को व्यवस्थापनमा सञ्चालित सिद्धिबिनायक अक्सिन ग्यास उद्योगको क्षमता बृद्धि गरिएको हो ।

गैंडाकोटमा रहेको उक्त उद्योगमा नयाँ मेसिन थप गरी क्षमता बृद्धि गरिए पछि दैनिक १६० सिलिण्डर अक्सिन थप हुने अस्पतालका आवासीय निर्देशक डा. मनोहर प्रधानले बताउनुभयो । यस अघि उक्त उद्योगबाट दैनिक ४०० सिलिण्डर अक्सिजन उत्पादन हुँदै आएको थियो । नयाँ मेसिन थप गरिएसँगै अब दैनिक ५६० सिलिण्डर उत्पादन हुने छ ।

विज्ञापन

प्रमुख जिल्ला अधिकारी प्रेमराज लामिछानेले उद्योगलाई क्षमता बृद्धि गर्न सहजीकरण गरेसँगै नयाँ मेसिन जडान गरी उत्पादन बढाउन सकिएको बताउनुभयो । यसले जिल्लामा कोभिड संक्रमितको उपचारमा थप सहजता हुने उहाँको भनाई छ ।

विज्ञापन