आफु दोषी देखिएपनि अनुसन्धान गर्न निर्देशन दिएको छुः प्रचण्ड
गोरखा ।
प्रधानमन्त्री पुष्पकमल दाहाल प्रचण्डले गरिब र निमुखालाई मात्र कानुन लाग्छ भन्ने बुझाइ अहिलेको सरकारले बदलेको टिप्पणी गरेका छन् ।
शनिबार गोरखाको सिरानचोकमा स्थानीय बासिन्दासँगको भेटघाटमा उनले दोषी छ भने नेता, मन्त्री, कर्मचारी कसैले पनि छुट पाउन सक्दैन भन्ने सरकारले प्रमाणित गरेको दाबी गरेका हुन् ।
विज्ञापन
विज्ञापन
‘कतिपयले सरकारले आफ्ना मान्छेलाई जोगाएको भनेपनि त्यो अनर्गल प्रचार भएको उनको जिकिर छ । अनुसन्धानकर्ताहरुलाई दोषी पत्ता लगाउँदै त्यहाँ आफु देखिएपनि बयान दिन निर्देशन दिएको बताए । उनले जरुरी परे गिरफ्तार पनि गर्नुपर्ने बताए ।
भ्रष्टाचारले न्याय र समानतालाई कमजोर बनाएको भन्दै उनले माथिदेखि तल्लसम्म भष्ट्राचार जालो नतोडेसम्म सुशासन स्थापित नहुने बताए । देशमा ललिता निवासजस्तै अरु सरकारी जग्गाहरु पनि व्यक्तिको नाममा गएको हुन सक्ने भन्दै उनले सरकारले त्यसको खोजी गर्ने बताए । ललिता निवास जग्गा प्रकरणमा पनि कसैलाई फसाउने उद्देश्य नराखेको प्रचण्डले बताए ।
‘ललिता निवास एक सुरुवात मात्र हो, त्यहाँ हामीलाई फसाउने कुनै उदेश्य छैन् । हाम्रो उदेश्य सरकारको जग्गा सरकारकै हुनु पर्छ भन्ने हो’, उनले भने, ‘यस्ता हजारौं फाइलहरु खोल्दै जानुपर्छ । राज्यको सम्पत्ति जाली झेली गर्नेहरु कानुनको दायरामा ल्याउनुपर्छ ।’
चर्चामा
सम्बन्धित समाचार
फेसबुक प्रतिक्रियाहरु