डोटी । दशैं तथा तिहार जस्ता चाँडपर्वमा चोरी डकैती जस्ता घटना घट्न सक्ने भएकोले जिल्लाबासीलाई सचेत रहन जिल्ला प्रहरी कार्यलय डोटी प्रमुख दानबहादुर मल्लले आग्रह गर्नु भएको छ ।

जिल्लामा शान्ति सुरक्षा कायम गर्नको लागि सबैले आ-आफ्नो क्षेत्र बाट सहयोग गर्न मल्लले अनुरोध गर्नुभयो । दशै तिहारजस्ता चाडपर्वमा परिवारका सबै सदस्य घर छाडेर जाँदा नजिकका छिमेकी अथवा नजिकको प्रहरी कार्यलयमा जानकारी गराएर जान मल्लले आग्रह गर्नुभयो।

उहाँले चाडपर्वमा जाड रक्सी, जुवा जस्ता क्रियाकलापले हिंसा निम्तिने भएकोले यस्ता क्रियाकलापमा नलाग्न र कही यस्ता क्रियाकलापमा संलग्न भएको जानकारी पाए नजिकैको प्रहरी कार्यालयमा खबर गरी सहयोग गरिदिन अपिल गर्नुभयो ।