संविधान जोगाउन पनि गठबन्धनले जित्नै पर्छः प्रचण्ड
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले गणतन्त्र र संविधान जोगाउनका आगामी निर्वाचनहरुमा सत्तागठबन्धनका उम्मेदवारलाई जिताउनुपर्ने बताएका छन् ।
नेकपा एमालेका अध्यक्ष एवम् पूर्वप्रधानमन्त्री केपी शर्मा ओलीप्रति लक्षित गर्दै उनले भने– पोहोर जसरी संविधान नै उल्ट्याउने प्रयास भयो, अब पनि त्यहीं शक्तिले जित्यो भने हामीले बलीदानी दिएर ल्याएको संविधानसँगै गणतन्त्र नै जोखिममा पर्न सक्छ ।
विज्ञापन
सहरी विकास मन्त्रालयले सहरी विकाससम्बन्धी आयोजना गरेको एक अन्तरक्रिया कार्यक्रममा बोल्दै प्रचण्डले अब राजनीतिक स्थिरतासँगै विकासको बाटोमा अघि बढ्न अग्रगामी शक्तिले नै चुनाव जित्नुपर्ने दाबी गरे ।
विज्ञापन
कार्यक्रममा प्रचण्डले सहरी विकासमन्त्री रामकुमारी झाँक्रीको प्रशंसा गर्दै भने– उहाँले धेरै राम्रो काम गर्नु भएको छ, अरु मन्त्रालयले पनि यस्तै गरी काम गरोस् ।
सहरी विकासका लागि दीर्घकालीन रणनीति जरुरी भएको भन्दै उनले आगामी दिनमा गठबन्धनका उम्मेदवारले चुनाव जितेर देश विकास गर्ने प्रतिबद्धता पनि व्यक्त गरे ।
चर्चामा
सम्बन्धित समाचार
फेसबुक प्रतिक्रियाहरु