कोरोना संक्रमित ओलीको हर्कतको कांग्रेस नेता खतिवडाद्वारा विरोध, औकातमा बस्न चेतावनी
काठमाडौं ।
नेपाली कांग्रेसका केन्द्रीय सदस्य एवम् पूर्वसांसद रामहरि खतिवडाले एमालेका अध्यक्ष खड्गप्रसाद ओली कोरोना संक्रमित हुँदा पनि सार्वजनिक कार्यक्रममा सहभागी भएर कानून उल्लंघन गरेको बताएका छन् ।
विज्ञापन
शुक्रबार खतिवडाले ट्वीट गर्दै कोरोनाका बेला घर वा अस्पतालमा उपचारमा बस्नुपर्ने व्यक्ति सार्वजनिक कार्यक्रममा गएर जनताको स्वास्थ्यमाथि खेलवाड गरेको बताए । उनले प्रमुख विपक्षी दलको नेता समेत रहेका अध्यक्ष ओलीको गैरजिम्मेवार कार्यको जति नै विरोध गरे पनि कम हुने बताएका छन् ।
विज्ञापन
‘नेकपा (एमाले)का अध्यक्ष, पूर्व प्रधानमन्त्री केपी ओली कोरोना हुँदाहुँदै जनसेवामा दौडिन लाग्नु भएछ’, उनले भने, ‘आफ्नो स्वास्थ्यभन्दा अरुको स्वास्थमा ध्यान दिने राजनेता ? भोलि ओलीको नयाँ बाणी आउनेछ । यो सरुवा रोग होइन । विश्व स्वास्थ संगठन चकित पर्नेछ । ओलीको जय होस् ।’
भक्तपुरको बालकोटा युवा संघले राखेको रक्तदान कार्यक्रममा कोरोना संक्रमित भएका ओली आफै सहभागी भएर कोरोना फैलाउन खोजेको आरोप लागेको छ ।
चर्चामा
सम्बन्धित समाचार
फेसबुक प्रतिक्रियाहरु