चितवन ।निरन्तरको वर्षापछि नारायणी नदीले कटान गर्न थालेको छ ।

भरतपुर महानगरपालिकाको पश्चिम क्षेत्रमा नारायणी नदीले कटान गर्न थालेको हो । भरतपुर–२६ र २७ मा नारायणीले क्षति पु¥याउन सक्ने जोखिम बढेकाले सो क्षेत्रमा जिल्ला प्रशासन कार्यालयको टोलीले निरीक्षण समेत गरेको छ । प्रमुख जिल्ला अधिकारी प्रेमलाल लामिछाने नेतृत्वको टोली नारायणीले कटान गर्न थालेको स्थलको निरीक्षण गरेको छ ।

विज्ञापन

विज्ञापन

सो क्रममा उनले स्थानीयबासीलाई सचेत रहन आग्रह गरे । नारायणी नदीको बाढीले वर्षेनी पश्चिम चितवनका विभिन्न क्षेत्रमा कटान गर्ने गरेको छ । लगातार वर्षा भएपछि जिल्ला प्रशासन कार्यालय चितवनले आव विहान एक विज्ञप्ती जारी गर्दै तटीय क्षेत्रका बासिन्दाहरुलाई सतर्कता अपनाउन आग्रह गरेको थियो ।

चितवन,मकवानपुर र नवलपरासी एक सय मिलिमिटर भन्दा धेरै वर्षा, आज रातभरि झरी पर्ने

चितवनसहित देशभरका धेरै ठाउँमा लगातार झरी परेको छ । चितवन आसपासका जिल्लामा एक सय मिलिमिटर भन्दा धेरै पानी परेको मौसमविद् शान्ति कँडेलले बताउनुभयो । उहाँका अनुसार चितवन, मकवानपुर,नवलपरासी लगायत क्षेत्रमा ठूलो पानी परिरहेको छ ।

चितवन,नवलपुर, डण्डा, बर्दाघाट र आसपासका क्षेत्रमा पछिल्लो १२ घण्टादेखि वर्षा भइरहेको र थप वर्षा हुने देखिएकोले यस क्षेत्रमा बाढी आउन सक्ने चेतावनी दिइएको छ । अझै ठूलो वर्षाको सम्भावना रहेका बाढी आउन सक्ने हुँदा नदी आसपासमा बसोबास गर्नेहरूलाई सावधानी अपनाउन भनिएको छ ।

यस्तै लगातारको झरीका कारण पहाडी क्षेत्रमा पनि पहिरो जाने खतरा रहेकाले सतर्कता अपनाउन मौसमविद्को आग्रह छ । पर्सी आइतवार र सोमवार पानी नपरे पनि मङ्गलवारदेखि फेरि पानी पर्ने सम्भावना रहेको मौसमविद्ले बताएका छन् ।