काठमाडौं ।

नापी कार्यालय कलंकीका सर्भेक्षक एक लाख रुपैयाँ घुससहित पक्राउ परेका छन्।

विज्ञापन

विज्ञापन

अख्तियार दुरुपयोग अनुसन्धान आयोगको टोलीले बुधबार सर्भेक्षक लक्ष्मीप्रसाद चौलागाईलाई पक्राउ गरेको हो । उनीसँगै लेखापढी कर्मचारी नेत्रबहादुर पोखरेललाई पनि पक्राउ गरिएको छ ।

आयोगका अनुसार चौलागाई र पोखरेलले जग्गा हालसाविक एवं कित्ताकाट गरी पूर्जा उपलब्ध गराइदिने प्रयोजनका लागि सेवाग्राहीसँग घुस माग गरेका थिए। सूचना पाएपछि पुगेको आयोगको टोलीले उनीहरूलाई रङ्गेहात पक्राउ गरेको हो।