भरतपुर । स्थानीयतहको निर्वाचनमा मतदान गर्ने समय नजिकिंँदै गर्दा उमेद्वारहरु घरदैलो गर्न र आफ्नो पक्षमा मत पार्न तछांँडमछाड गरिरहेका छन । देशभरका अधिकांश स्थानमा सत्तागठबन्धन र विपक्षी गठबन्धन बीच आफ्नो साख सुधार्न जनताका घरदैलोमा गएर आशा र भरोसा दिन लागि परेका छन । देशभर पांँचदलीय गठबन्धन र एमालेपक्षबीच उत्कृष्ट परिणाम ल्याउन अहिले तीब्र प्रतिस्पर्धा छ । देशकै चर्चित र चासोको रुपमा हेरिएको चितवनमा पनि चुनावी गतिविधि तीब्र छ । भरतपुर महानगरपालिकाका सबै वडाहरुमा बाजागाजा र नाचगान सहित विभिन्न दलहरु मतदाता भेट्न र आकर्षित गर्न व्यस्त छन ।

भरतपुर महानगरपालिकाको २९ वटा वडाहरुमध्ये २० वटा भन्दा बढी वडा अध्यक्ष पाएको कांँग्रेसले अहिलेको चुनावमा अधिकांश सिट हात पार्ने देखिन्छ । महानगरका वडाहरुमध्ये पनि सबैभन्दा बढी चासो र संभावना भएको वडा नम्बर २ पनि हो । यो वडाको दरो उमेद्वारको रुपमा मनोज रानाभाट चुनावी मैदानमा होमिएका छन । उनलाई गठबन्धनको दरो साथ छ भने , अन्य दलहरुको भोट पनि उनलाई नै झर्ने देखिन्छ । ‘चाहे भूमिहीन दाजुभाईहरुको टोल होस वा अन्य कुनैदल होस म माथि उहांँहरुको साथ र आर्शिवाद छ ।’ घरदैलो गर्ने क्रममा रानाभाटले भने ।

विज्ञापन

हुनत यो वडामा कांँग्रेसपछि एमालेको पनि उत्तिकै बाहुल्यता रहेको दाबी गरिदै आएको छ । तर अघिल्लो निर्वाचनको स्वाद चाखिसकेका आम वडावासी भने अहिलेको निर्वाचनमा सक्षम, विकासप्रेमी र उर्जाशील नेता चाहन्छन । त्यसैलेपनि मनोज रानाभाट को संभावना उत्तिकै बलियो छ । उनले गठबन्धनको मात्रै होइन एमालेजनको भोट पनि तान्न सफल भएका छन । ‘मलाई घरदैलो गर्ने क्रममा र एमालेजनलेनै भेटेरनै तपाईलाई भोट दिने प्रतिबद्धता व्यक्त गर्नुभएको छ । मलाई उहांँहरुले दिएको आशा र भरोसालाई मर्न दिन्न । म उहांँहरुप्रति कृतज्ञ छु । खुशी छु ।’ रानाभाटले भने । रानाभाटसहित उमेद्धवारले आज(आइतवार) आंँपटारी र जलदेवी टोलमा मा घरदैलो गर्नुका साथै देवकोटा चोकमा कोणसभा गरेको थियो । उनको प्रमुख प्रतिस्पर्धीको रुपमा एमाले गठबन्धनका कृष्ण केसी चुनावी प्रतिस्पर्धामा छन ।

विज्ञापन