ओली-प्रचण्ड फोनवार्ता : प्रचण्डले राखे दुई प्रस्ताव
काठमाडाैं । एमसीसीले ठुला दलका शिर्ष नेताहरूलाई तनाव थप्ने क्रम जारी छ । अमेरिकी सहायकमन्त्रीको टेलीफोनपछि नेताहरू चौतर्फी छलफलमा जुटेका छन् ।
यस्तै सत्ता गठबन्धनको दल नेकपा माओवादी केन्द्रका अध्यक्ष पुष्पकमल दाहाल प्रचण्ड र एमाले अध्यक्ष केपी शर्मा ओलीबीच लामो समयपछि संवाद भएको छ ।
विज्ञापन
बिहिबार साँझ प्रचण्डले ओलीलाई टेलिफोन गरी एमसीसीबारे विकल्प सुनाएका छन् । उनले दवावको अवस्था आएका कारण एमालेले प्रष्ट निर्णय गरिदिनुपर्ने बताएका थिए ।
विज्ञापन
बिहिबार साँझ भएको फोन संवादमा प्रचण्डले एमसीसीको विषय किनारा लगाउन भन्दै ओलीसमक्ष दुई प्रस्ताव राखेको एमालेका एक नेताले बताए । प्रचण्डले एमसीसीमा राष्ट्रिय सहमति गर्ने वा सहमतिकै आधारमा पछि सार्ने प्रस्ताव गरेका थिए ।
ती नेताका अनुसार ओलीले भने प्रचण्डका दुवै प्रस्ताव अस्वीकार गरिदिएका छन् । प्रचण्डले फोनमा भनेका थिए, एमसीसीमा तपाईंले निर्णय नगरी भएन ।
जवाफमा ओलीले सत्ता साझेदार दलहरुबीच साझा धारणा बनेलगत्तै आफ्नो पार्टीले निर्णय गर्ने जवाफ दिएका थिए ।
संवादमा प्रचण्डले एमसीसी सबै दलको सहमतिमा पास गर्ने वा सर्वसम्मतीको प्रयासका लागि चुनावपछि निर्णय गर्ने गरी समय माग्ने विकल्प प्रस्तुत गरेका थिए ।
एमाले अध्यक्ष ओलीले दुवै प्रस्ताव अस्वीकार गरेको एमालेका ती नेताले बताएका छन् ।
चर्चामा
सम्बन्धित समाचार
फेसबुक प्रतिक्रियाहरु