ओलीलाई बधाई दिँदै बाबुराम भट्टराई भने-गलत विचार र कामबाट पाठ सिकेर सद्बुद्धि प्राप्त होस्
काठमाडौं ।
चितवनमा मंगलबार सम्पन्न दसौं राष्ट्रिय महाधिवेशनबाट पुनः एमालेको अध्यक्षमा निर्वाचित केपी शर्मा ओलीलाई जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले बधाई दिएका छन्।
विज्ञापन
अध्यक्ष ओलीलगायत नवनिर्वाचित एमाले केन्द्रीय कमिटीका पदाधिकारी तथा सदस्यले शपथ खाइरहेका बेला डा। भट्टराईले सामाजिक सञ्जालमार्फत बधाई दिएका हुन्।
विज्ञापन
सँगसँगै उनले विगतका गलत विचार र कामबाट पाठ सिक्न नवनिर्वाचित एमाले अध्यक्ष एवं कमिटीलाई नै सुझाव पनि दिएका छन्।
‘नेकपा एमाले महाधिवेशनबाट अध्यक्ष निर्वाचित हुनुभएका खड्गप्रसाद शर्मा ओली र उहाँको टिमलाई हार्दिक बधाई’, डा. भट्टराईले मंगलबार राति ट्विट गरेका छन्, ‘विगतका गलत विचार र कामबाट पाठ सिकेर बहुदलीय लोकतन्त्रमा जिम्मेवार प्रतिपक्षी दलको भूमिका निर्वाह गर्न सद्बुद्धि प्राप्त होस् भन्ने शुभकामना!’
चर्चामा
सम्बन्धित समाचार
फेसबुक प्रतिक्रियाहरु