बैठकमै देउवाले गगन थापालाई भने: ‘बोल्न पाइँदैन’
काठमाडौं ।
नेपाली कांग्रेसका सभापति शेरबहादुर देउवाले प्रधानन्यायाधीश चोलेन्द्र शमशेर जबराको विवादबारे बोल्दा समसामयिक विषयमा बोल्न पाइँदैन भन्दै रोक्ने प्रयास गरेका छन् ।
विज्ञापन
केन्द्रीय समिति बैठकमा नेता गगन थापाले सर्वोच्च अदालतमा उत्पन्न परिस्थितिबारे विषय उप्काउँदा देउवाले थापालाई रोक्ने प्रयास गरेका हुन् । ‘समसायिक विषयमा बोल्न पाइँदैन अहिले,’ देउवाले भनेका थिए ।
विज्ञापन
आफूलाई न्यायालय विवादमा सभापतिले रोक्न खोजे पनि थापाले बैठकमा धारणा भने राखेका छन् । सर्वोच्चमा देखापरेको विवाद समाधान नगर्ने हो भने महाधिवेशनसम्म कांग्रेसको परिस्थिति विथोलिने भएकाले यसप्रति उचित निर्णय लिनुपर्ने उनको भनाइ थियो ।
‘सम्मानित अदालतमा भइरहेको समस्या चर्कियो भने व्यवस्थाले मूल्य चुकाउनु पर्छ। तत्काल सामाधान नगर्ने हो भने महाधिवेशनसम्म अवस्था विथोलिन्छ । हामी चुप लाग्न मिल्दैन,’ थापाले बैठकमा भनेका थिए, ‘महाधिवेशनका विवाद कायम छन् । यसमा गम्भीर हुनुपर्छ । सभापतिको ध्यान जानुपर्छ ।’
यस विषयमा प्रधानमन्त्री समेत रहेका सभापति देउवलाई कांग्रेसकै मन्त्रीहरूले ध्यानाकर्षण गराउँदा समेत उनले न्यायालयभित्रको विवादमा सरकारले हस्तक्षेप गर्न नमिल्ने भन्दै त्यहीँबाटै समाधान हुनुपर्ने अडान राखेका थिए ।
चर्चामा
सम्बन्धित समाचार
फेसबुक प्रतिक्रियाहरु