चितवन ।

विज्ञापन

नेकपा एमाले चितवनमा जेठ २ र १० बुँदेको विषयले नेताहरु दुई समुहमा धुर्वीकरण भएका छन् । केपी ओली सरकारले गरेको पहिलो संसद विघटनसँगै जिल्लामा नेकपामा दुई समुह देखिएका थिए । विघटनको पक्षमा जिल्लाको नेतृत्व राष्ट्रिय सभा सदस्य पार्वती रावलले गरेकी थिइन् भने विघटनको विपक्षको नेतृत्व कानुन समितिका सभापति सासंद कृष्णभक्त पोखरेलले गरेका थिए ।

विज्ञापन

माधव नेपाल र प्रचण्डको जोडबलमा संसदीय समितिका सभापति भएका पोखरेल केपी ओलीको विघटनका विरुद्धमा रेट निवेदक समेत थिए । सर्वोच्च अदालतले विघटन बदर गरिदिएपछि आफू प्रचण्डको पहलमा कानुन मन्त्री बन्ने समेत जिल्लाका नेताहरुलाई बताउने गरेका थिए । पोखरेलको सो सपना पुरा भने हुन सकेन ।

र्सोच्चले विघटन बदर गरेसँगै अदालतकै अर्को फैसलाले नेकपा विभाजन गरिदियो जसले गर्दा केपी ओली फेरि शक्तिमा आएका थिए ।
विघटनको समयमा ओली समुहको निकै कमजोर मानिने चितवन जिल्लामा ओलीको मोर्चा पार्वती रावल र माओवादी नेता शैलेष खनाल अध्यक्ष र सचिवका रुपमा सम्हाली दिएका थिए । जिल्लामा नेताहरु समेटन रावलले ६०१ सदस्यीय ठुलो जिल्ला कमिटी बनाएर जिल्ला संचालन गरेकी थिईन । चितवनका तीन क्षेत्रका संसद प्रचण्ड, सुरेन्द्र पाण्डे र कृष्णभक्त पोखरेलको मोर्चासँग रावलको कमिटीले संघर्ष गरेर नै जिल्लामा स्थापित भएको थियो।

नेकपाको औपचारिक विभाजनपछिको एमाले संसदीय दलको बैठकमा गल्ती भयो माफ पाउँ भन्दै पोखरेल नेकपा एमालेमा फर्किएका थिए । जिल्लाका प्रभावशाली नेता पोखरेलको ओली समुहमा प्रवेश गरेकाले ओली समुहका धेरै नेता कार्यकर्ता खुसी भएका थिए । तर, पोखरेलको ओली समुह प्रवेशलाई एमालेको पार्वती रावल समुहले सुरुदेखि नै संशयपुर्ण तरिकाले हेरेको थियो ।

ओली समुहभित्र पनि जिल्लामा पार्वती रावलको समुह र जग्गनाथ थपलिया समर्थित छुटाछुटै समुह रहेका छन् । पोखेरल नेकपा एकिकरण अघिको एमाले जिल्ला अघ्यक्ष भएपनि आफुलाई अध्यक्ष पद नचाहिने र रावललाई अध्यक्षका रुपमा विना शर्त स्वीकार्ने बताएका थिए । एमाले चितवनमा गुटको राजनीति सुरु गर्ने पोखरेलले अब ओली समुहभित्र गुट नगर्ने र आफु यही समुहमा बिलय हुने पनि कबुल गरेका थिए ।

नेकपा एमालेको औपचारिक विभाजनपछि नेकपा एकिकृत समाजवादी बनेको थियो । तर १० बुँदेको सहमति र पार्टी एकताको नाममा माधव नेपाल समुह कार्यदलका नेताहरु एमालेमा नै रहने निर्णय गरेका थिए । जेठ २ र १० बुँदेको शर्त फेरी जागेर आएपछि चितवन जिल्लामा पनि एमाले नेतृत्वको लागि विवाद सुरु भयो । पार्वती रावललाई अध्यक्ष स्वीकारेर आएका कृष्णभक्त पोखरेलले ओली समुहकै नेता जगन्नाथ थपलियाको जोडबलमा फेरि जिल्ला अध्यक्षको दाबी गर्न थालेका छन् ।

नेकपा एमालेको नवौ जिल्ला अधिवेशनमा पोखरेलले थपलियालाई अध्यक्षमा हराएका थिए । नेपाल समुहबाट अध्यक्ष जितेका पोखरेल थपलियाको सम्धी दावा लामालाई प्रदेश सांसद र श्रीमती सुनिता थपलियालाई उपमेयरको टिकेट सिफारीस गरेर सम्बन्ध सुधार गरेका थिए । कृष्णभक्त पोखरेलले थपलियासँगको उक्त सम्बन्ध प्रयोग गरेर नै ओली समुहमा सजिलै प्रवेश पाएका थिए ।

रावल समुहका एक जिल्ला नेताका अनुसार पोख्रेल हाल जगन्नाथ थपलियाको सोझोपनको फाइदा उठाएर एमालेमा आफ्नो वर्चस्व बनाउने योजनामा रहेको बताए ।
उनका अनुसार ओली समुहभित्र खेलेर फेरि अध्यक्ष बन्न पोखरेलले धेरै नेताहरुलाई विभिन्न् आश्वासन बढेका छन् । आफू केही महिना अध्यक्ष बन्ने र अधिवेशनबाट एमाले नेता राम न्यौपानेलाई अध्यक्ष बनाउने आश्वासन दिएका छन् । पोखरेलको उक्त आश्वासनमा परी जगन्नाथ थपलिया र राम न्यौपाने समर्थित पुरै समूह पोखरेललाई अध्यक्ष बनाउन लागेको छ ।

नेकपा एमाले चितवनको यही विवादमा कारणले भदौँ २८ गतेको जिल्ला कमिटी बैठक असोज ५ को लागि सारिएको थियो तर असोज ५ मा पनि बैठक बस्न सकेन ।

यही बीचमा पोखरेलले भने रावलसँग सल्लाह नै नगरी जेठ २ को बैठक असोज ५ गते राखेका थिए । तर, उक्त बैठकमा सामान्य कोरम पनि नपुगेपछि बैठकमा फोटो खिच्ने मात्रै भएको एक सहभागी नेताले बताए ।
रावल समुहका एक विद्यार्थी नेताका अनुसार हिजो केपी ओलीलाई प्रतिगामी भनेर अदालतमा रिट दिने र सडकमा नारा लगाउनेहरुलाई जिल्लामा अध्यक्ष कुनै पनि हालतमा मान्न नसकिने बताए ।
रावल र पोखरेलको यो झगडाको मिचाइमा एमाले नेता तथा जिल्ला उपाध्यक्ष तेजेन्द्र खड्का परेका छन् ।

एकिकृत समाजवादीको जिल्ला अध्यक्ष म हुँ भन्दै एकिकृत समाजवादीका वडा कमिटिका नेताहरुलाइ सपथ खुवाउदै हिडेका खड्का एमालेमा जिल्ला अध्यक्ष पाउने आश्वासनपछि यही भाद्र २५ गते एमाले प्रवेश गरेका थिए । रावल र पोखरेल दुवैले अध्यक्षमा आ(आफ्नो दावी गरेपछि खड्का एमालेमा अलपत्र परेका छन् ।

तेजेन्द्र खड्कालाई एमालेमा आउन अनुरोध गरेका नेता पोखरेलले नै खड्कालाई कुनै पद दिनु हुदैन भनि लबिङ गरेकाले खड्का हाल रावल समुहसँग नजिक रहेको बताइएको छ ।
पोखरेल थपलिया समुहको बढ्दो शक्तिका बीच पनि केन्द्रबाट नै निर्णय गराएर भएपनि पार्वती रावल र शैलेश खनाल नै अध्यक्ष र सचिव बन्ने स्रोतले बताएको छ ।