शुक्रबार, कार्तिक ५, २०७८
जोडिनुहोस
  • होमपेज
  • समाचार
  • चितवन र हेटौंडालाई जोडेर देशकै राजधानी बनाउनु पर्छः मुख्यमन्त्री शाक्य
समाचार

चितवन र हेटौंडालाई जोडेर देशकै राजधानी बनाउनु पर्छः मुख्यमन्त्री शाक्य

चितवन।

बागमती प्रदेशकी मुख्यमन्त्री अष्टलक्ष्मी शाक्यले चितवन र हेटौंडालाई देशकै राजधानी बनाउनु पर्ने बताएकी छन् ।

जिल्ला समन्वय समिति चितवनको आज (मंगलबार) भरतपुरमा आयोजित पाँचौँ जिल्ला सभाको समुद्घाटन गर्दै मुख्यमन्त्री शाक्यले हालको राजधानी काठमाडौँ पुग्न सबैलाई कठिन पर्ने भएकाले पूर्वपश्चिम राजमार्गमा जोडिएको चितवन र हेटौंडालाई नै देशको राजधानी बनाउनुपर्नेमा जोड दिइन् । उनले काठमाडौंँलाई प्रदेशको राजधानी बनाएर सबैलाई पाएक पर्ने चितवन र हेटौंडालाई देशको राजधानी बनाउनुपर्ने बताइन् ।

विज्ञापन

‘काठमाडौं बागमती प्रदेशका १३ वटा जिल्लाको बीचमा छ, त्यसलाई प्रादेशिक राजधानी बनाउँ, चितवन र हेटौंडालाई जोडेर केन्द्रीय राजधानीको रुपमा किन विकास नगर्ने ?’–मुख्यमन्त्री शाक्यले भनिन् । उनले यो विषयलाई अब छलफलको रुपमा चलाउनुपर्ने जरुरी रहेको भन्दै आफूले छलफललाई प्रारम्भ गरि सकेको बताइन् ।

अहिलेको भूबनोटले राजधानीसंग जोड्ने परिवेश अवस्थित देखिएको भन्दै पूर्व र पश्चिम क्षेत्रलाई सहजै रुपमा जोड्ने क्षेत्रलाई भावी राजधानीको रुपमा विकास गर्नुपर्ने बताइन् । यस्तै मुख्यमन्त्री शाक्यले चितवन र हेटौंडामा विदेशमा हुने उपचारको सुविधाको विकास गर्न सबै लाग्नुपर्ने भन्दै त्यसले काठमाडौँमा देखिएको स्वास्थ्य चापलाई कम गर्ने बताइन् ।

यस्तै मुख्यमन्त्री शाक्यले बागमती प्रदेश सरकार अल्पमतमा परे पनि दिन गनेर नबसेको बताइन् । प्रदेश सरकार हरेक दिन, रात राम्रो काम गर्ने प्रयासरत रहेको बताइन् । उनले समाजवादको लक्ष्य प्राप्त गर्न यो सरकार के गर्नुपर्छ भन्ने विषयमा आफू केन्द्रीत रहेको भन्दै छोटो समयमा राम्रो काम गरेर देखाउने दावी गरिन् । मुख्यमन्त्री शाक्यले जनताका सेवाका लागि कटिबद्ध रहेको भन्दै सरकारले आफ्नै आचार संहिता निर्माण गरेको बताइन् । उनले अलिकति पनि समय खेर नफाल्ने भन्दै सरकारको बाँकी समय प्रदेश सरकार, गणतन्त्र, संघीयतालाई बलियो बनाउन र समाजवादको लक्ष्यलाई प्राप्त गरेर अघि बढाउनका लागि जिम्मेवार भएर लाग्ने बताइन् ।

कार्यक्रममा विभिन्न क्षेत्रमा महत्वपूर्ण योगदान दिनेहरुलाई जिससले समान्न समेत गरेको छ । कार्यक्रममा जिसस चितवनका अध्यक्ष कृष्णकुमार डल्लाकोटीले जिससले गरेको काम कारवाही बारे जानकारी गराएका थिए । कार्यक्रममा जिससकी उपाध्यक्ष मुना कुमारी श्रेष्ठले स्वागत मन्तव्य व्यक्त गरेकी थिइन् भने प्रतिनिधि सभा सदस्य कृष्णभक्त पोखरेल र बागमती प्रदेशका सामाजिक विकास मन्त्री विजय सुवेदीलगायतले मन्तव्य व्यक्त गरेका थिए ।

फेसबुक प्रतिक्रियाहरु

चर्चामा

सम्बन्धित समाचार

प्रधानन्यायाधीशलाई महाभियोग लगाउन आह्वान
समाचार
प्रधानन्यायाधीशलाई महाभियोग लगाउन आह्वान

काठमाडौं। पूर्वन्यायाधीशहरूको संगठनले प्रधानन्यायाधीशलाई प्रतिनिधीसभाले महाभियोग लगाउनुपर्नेसम्मको आह्वान गरेको छ। पूर्वन्यायाधीशहरूको संगठन ‘पूर्वन्यायाधीश फोरम, नेपाल’ले आज एक विज्ञप्ति सार्वजनिक गर्दै प्रधानन्यायाधीश चोलेन्द्र शमशेर राणाको कार्यसम्पादनले न्यायिक नेतृत्वप्रति जनमानसमा शंका उत्पन्न भएको टिप्पणी गर्दै महाभियोगसम्म जानुपर्ने संकेत गरेको हो। विज्ञापन ‘सर्वोच्च अदालतद्वारा सर्वोच्च अदालत उपर नै अन्तरिम आदेश जारी हुनु, न्यायिक मान्यताविपरीत त्रुटिपूर्ण अन्तरिम आदेश बेलैमा […]

  • १ hour अगाडि

भर्खरै

सिफारिस