शुक्रबार, बैशाख २४, २०७८
जोडिनुहोस
  • होमपेज
  • समाचार
  • ओलीविरूद्घ अविश्वास प्रस्ताव दर्ताको तयारीः कांग्रेस–माओवादी जसपाको निर्णय कुर्दै
समाचार

ओलीविरूद्घ अविश्वास प्रस्ताव दर्ताको तयारीः कांग्रेस–माओवादी जसपाको निर्णय कुर्दै

प्रधानमन्त्री केपी शर्मा ओलीविरूद्घ अविश्वासको प्रस्ताव लैजाने अन्तिम तयारी भईरहेको छ ।

प्रमुख प्रतिपक्षी दल नेपाली कांग्रेस र माओवादी केन्द्रले जनता समाजवादी पार्टी(जसपा)को निर्णय कुरिरहेका छन् । जसपा संसदको चौंथो ठूलो दल हो ।

जसपाका शीर्ष नेताहरूको बैठकमा अहिले प्रधानमन्त्री ओलीविरूद्घ अविश्वास प्रस्ताव लैजाने र कांग्रेस–माओवादी केन्द्रसँग मिलेर नयाँ सरकार बनाउनेबारे छलफल भैरहेको छ ।

विज्ञापन

जसपाका नेताहरू बाबुराम भट्टराई, उपेन्द्र यादव, महन्थ ठाकुर, राजेन्द्र महतो, अशोक राई लगायतका नेताहरु सहभागी छन् ।

प्रधानमन्त्री ओलीसँग मिलेर सत्ता गठबन्धन बनाउन महन्थ ठाकुर र राजेन्द्र महतोले पहल गरिरहेका छन् भने बाबुराम भट्टराई र उपेन्द्र यादवले ओलीसँग मिल्न नहुने अडानमा रहेका छन् ।
माओवादी केन्द्रले बताए अनुसार कांग्रेस–माओवादी दुबै पार्टीले अविश्वासको प्रस्ताव अघि बढाउन आफ्ना सांसदहरूको हस्ताक्षरसमेत संकलन गरिसकेका छन् ।

जसपाले निर्णय गरे बुधबार नै प्रधानमन्त्री ओलीविरूद्घ अविश्वासको प्रस्ताव संसदमा दर्ता गर्ने तयारी रहेको कांग्रेसका निकट स्रोतले जानकारुी दिएको छ ।

कांग्रेस र माओवादी केन्द्रले छलफल गरेर अविश्वासको प्रस्ताव लैजाने निष्कर्षमा पुगेका हुन् ।

फेसबुक प्रतिक्रियाहरु

चर्चामा

सम्बन्धित समाचार

भर्खरै

सिफारिस