आज भरतपुरका यी स्थानमा लाइन काटिने
चितवन।
हाकिमचोक–बुद्धचोक सडक खण्डकाे सडक अधिकार क्षेत्रमा परेका विजुलीका पोल स्थानान्तरण गर्नुपर्ने भएकाले आज भरतपुरका विभिन्न ठाउँमा लाइन काटिने भएको छ ।
विज्ञापन
विज्ञापन
नेपाल विद्युत प्राधिकरण भरतपुर वितरण केन्द्रका अनुसार क्यान्सर अस्पताल, बुद्धचोक, अस्पताल आसपासको क्षेत्र, बिसालचोक, कटहरचोक, त्रिचोक एरिया, सनराईज स्कुल लगायतका स्थानमा आज बिहान ९ बजेदेखि दिउँसो ४ बजेसम्म लाइन काटिने छ ।
विजुलीका पोल सार्न भरतपुर १ र हस्पिटल फिडर नै सटडाउन गर्नुपर्ने भएकाले केहि ठाउँमा लाइन काटिने भरतपुर वितरण केन्द्रका इन्जिनियर राजेन्द्र पौडेलले बताए । काम छिटो सकिएमा तोकिएको समय भन्दा अगावै लाइन सुचारु हुने उनले बताए ।
भरतपुर वितरण केन्द्रले शनिबारको दिन पारेर सडक अधिकार क्षेत्रका विजुलीका पोल सार्दै आएको छ । हाल हाकिमचोक देखि गितानगरसम्मको सडक विस्तारको काम भइरहेको छ ।
चर्चामा
सम्बन्धित समाचार
फेसबुक प्रतिक्रियाहरु