चितवन । नेपालबाट विदेश निर्यात हुने एक उत्पादन हो, भेडाको ऊनबाट बन्ने हस्तकलाका समान । अन्तर्राष्ट्रिय बजारमा यसको माग उच्च छ । नेपालबाट यस्ता हस्तकलाका समान निर्माण गर्ने एक कम्पनी भरतपुर २८ मा छ ।
विगत २१ वर्षदेखि लस्ट होराइजन इन्टरनेसनल ह्यान्डिक्राफ्ट इण्डष्ट्रिले अन्तर्राष्ट्रिय मुद्रा नेपाल भित्र्याएको मात्र छैन, स्थानीय ६०० जनालाई रोजगारी पनि दिएको छ । यसका सञ्चालक हुन्, तेल बहादुर कुमाल (विशाल) । उद्योगमा स्थानीय विपन्न ९५% महिलाहरुले काम गर्छन् । उद्योगमा ५ प्रतिशत मात्रै पुरुषले काम गर्ने गर्दछन् । उनीहरु उद्योगमा फेल्ट (भेडाको ऊन)बाट लउनडरी ड्रायर बल, क्याट केभ, पेट टोयज, बल कारपेट, सुज, स्लिपर, हृ्याट, ब्याग, क्रिसमस आइटम,गिफ्ट आइटम, पर्स लगायत सामग्री बनाउँछन् ।
उद्योगले रोजगारी सिर्जना गरेसँगै यहाँ स्थानीयहरुको जीवनमा ठूलो परिवर्तन आएको छ । व्यवसायबाट स्थानीयलाई रोजगारी दिएका विशाल कुमाल अहिले यसै वडाबाट वडा अध्यक्षको उम्मेदवार बनेका छन् । वडाको चौतर्फी विकासका लागि ५ दलिय गठबन्धनबाट नेकपा माओवादी केन्द्रको तर्फबाट उम्मेद्वार बनेका कुमाल स्थानीय स्तरमा लोकप्रिय मानिन्छन् । २०५० सालदेखि सौराहामा ११ वर्ष पर्यटन व्यवसायी र २०६१ देखि अहिलेसम्म १८ वर्ष उनी फेल्ट वस्तुको उद्योग गरी २९ वर्ष अनुभवी व्यवसायी हुन् कुमाल । उनै कुमाल नेपालको पर्यटकीय गन्तव्य रहेको भरतपुुर २८ मा पर्ने मेघौली, गोलाघाटलाई पर्यटकीय हब निर्माण गर्ने परिकल्पनाका साथ आसन्न बैशाख ३० गते हुने निर्वाचनमा ५ दलिय गठबन्धबाट माओवादी केन्द्रतर्फबाट साझा उम्मेदवार बनेका छन् ।
त्यस क्षेत्रमा बसोबास गर्ने विपन्न कुमाल, थारु, बोटे, माझी मुसहर, दलित पिछडा वर्गहरुको समस्यासँग नजिक रहेका कुमालले स्थानीयको जीवनस्तरलाई उकास्न उम्मेदवारी दिएको बताँउछन् ।
को हुन् विशाल कुमाल ?
चितवनमा विस २०२६ साल असोज २ गते भरतपुर २८ गोलाघाटमा जन्मिएका तेल बहादुर कुमाल (विशाल) उपनामले परिचित छन् । उनी स्वर्गीय बुवा धन बहादुर कुमाल र आमा सुनचरी कुमालका कान्छा छोरा हुन् । कुमाल ईमान्दार, मिलानसार, मृदुभाषी र स्वच्छ छवि भएका व्यक्तिका रुपमा चिनिन्छन् । कुमालका २ जना दाजु, एक जना दिदी, श्रीमती र २ छोरा छन् ।
स्थानीय अन्द्रौली आधारभूत प्रथामिक विद्यालयबाट प्रारम्भिक शिक्षा लिएका कुमालले माध्यमिक शिक्षा जानकी मावि मेघौलीबाट पुरा गरेका हुन् । पढाईमा अब्बल रहेका कुमालले विस २०४६ सालमा एसएलसी उतीर्ण गरेसँगै भरतपुरको वीरेन्द्र बहुमुखी क्याम्पसबाट आईएसम्मको अध्ययन गरेका छन् । त्यही बेलदेखि उनले सौराहामा फुपुका छोराहरुसँगको साझेदारीमा रेष्टुरेण्ट सञ्चालन गरे ।

२ वर्ष साझेदारीबाट रेष्टुरेण्ट सञ्चालन गरेका उनले आफ्नो एकल स्वमित्वमा ९ वर्ष रेष्टुरेण्ट, सोभिनियर सप सञ्चालनमा ल्याए । पर्यटन व्यवसाय छाडेका कुमालले ऊनको सामान उत्पादन गरी विश्व बजारमा निर्यात समेत आफै गर्दछन् ।

विज्ञापन

राजनीतिक यात्रा
सानैदेखि कम्युनिष्ट चेत भएका कुमाल विद्यार्थी जीवनकालदेखि नै विभिन्न आन्दोलनमा सहभागी हुने गरेका थिए । उनले पञ्चायतविरुद्धको अन्दोलनमा पनि अगुवाई गरेका थिए । त्यस्तै २०४६ सालको अन्दोलनमा उनको सक्रिय सहभागी बने । ईमान्दार, मिलानसार, मृदुभाषी र स्वच्छ छवि भएका कुमाल भरतपुर २८ का जनतामाझ नै लोकप्रिय नेताका रुपमा परिचित छन् ।
विस २०५२ सालदेखि सुरु भएको १० वर्षे जनयुद्धका क्रममा कुमालले पार्टीलाई प्रत्यक्ष र अप्रत्यक्ष रुपमा सहयोग पु¥याएका थिए । पार्टीलाई खाद्यान्न, आश्रय एवम् आर्थिक सहयोग पु¥याएका कुमालले माओवादी अन्दोलनलाई उचाईमा पु¥याउने काम गरेका थिए ।
विस २०७४ जेठअघि नेकपा माओवादी केन्द्रको जिल्ला समिति सदस्य रहेका थिए । सफल युवा व्यवसायीको छाप बनाउन सफल कुमाल नेपाल राष्ट्रिय उद्योग व्यापार संगठन भरतपुरको उपाध्यक्ष हुन् । नेपाल कुमाल सुधार समितिका काठमाडौँ जिल्ला अध्यक्ष कुमाल नेपाल उनी फेल्ट उत्पादनक तथा निर्यात संघको महासचिव हुन् ।

विज्ञापन

यस्ता छन् कुमालका योजना
वडा अध्यक्षमा निर्वाचित भएपछि सबैभन्दा पहिला यहाँका भूमिहिनलाई जग्गा दिने कार्य गरिने कुमाल बताउँछन् । वडामा अहिले पनि यहाँ विपन्न परिवारका बालबालिकालाई विद्यालयमा पठाउन सकिएको छैन, उनीहरुलाई विद्यालयको पहुँचमा पुराउने उहाँ बताउँछन् । त्यस्तै खरको छानोमुक्त गर्न पहिलो पहलकदमी हुने उनी बताउँछन् ।
वृद्धवृद्धाहरुका लागि भजनमण्डली, विश्रामस्थल निर्माण गर्ने योजना रहेको उनी बताँउछन् । भरतपुर २८ मा ३० शैयाको अस्पताल निर्माण गर्न प्रथामिकतामा रहेको उनी बताउँछन् ।
कुमालले भरतपुर २८ लाई पर्यटकीय हब बनाउन गोलाघाटमा आईल्याण्ड निर्माण गरी मोटरबोट सञ्चालन गर्ने गरी गोलाघाट किनारलाई प्रयोगमा ल्याउन सकिने बताँउछन् ।
त्यस्तै देवघाट, गोलाघाट र त्रिवेणीसम्म मोटरबोट सञ्चालनमा ल्याईने बताउँछन् । स्थानीय राप्ती नियन्त्रण मध्यवर्ती सामुदायिक वनमा केवलकार सञ्चालनमा ल्याउन सकिने बताँउछन् । त्यस्तै प्यारागलाईडिङ, फाउन्टेन प्रोग्राम, एक पटकमा २०० जना अट्ने सनसेट भ्यु टावर निर्माण कार्यक्रम पनि रहेको उनको योजना छ ।
यस्तै वडालाई खेलकुदमा राष्ट्रिय रुपमा अगाडि बढाउन विभिन्न विधालाई प्रोत्साहन गर्न पूर्वाधार निर्माण गर्ने बताउछन् । यस्तै मेघौली नवलपरासी जोड्ने पुल निर्माणको काम अगाडि बढाउन संघिय सरकारसँग पहल गर्ने उनी बताउँछन् । राप्ती नियन्त्रणका लागि पनि विषेश पहल गरी स्थाई रूपको कंक्रिट वाल निर्माण गरी मानव वन्यजन्तु द्धन्द्ध न्युनिकरण गर्ने गरी काम थाल्ने उनी बताउँछन् ।
वडालाई पर्यटकीय हब निर्माण गर्दा प्रकृतिको संरक्षण गर्दै प्राकृतिक र स्थानीय कला संकृतिमा आधारित पूर्वाधार निर्माणमा जोड दिने उनी बताउँछन् । कुमालले यस क्षेत्रको विकासका लागि आफ्नै लगानीमा यहाँ स्थानीय जानकी मा.वि. लाई विज्ञान प्रयोगशाला भवन निर्माण ३ वटा विद्यालयहरुमा आर्थिक सहयोग पु¥याएका छन्, उत्कृष्ट विद्यार्थीहरूलाई साईकल प्रदान गरेका छन् भने विपन्न परिवारका बालबालिकाहरूलाई छात्रावृति प्रदान गर्दै आएका छन् । विपन्न एवं दृष्टि विहिनलाई २५ लाखको लगानीमा घर बनाई हस्तान्तरण पनि गरेका छन ।
स्थानीयको समयस्यालाई आफ्नै समस्या ठान्ने कुमालले वडाबासीको हरेक समस्यामा प्रत्यक्ष पुगेर समधान निकाल्ने गरेका छन् ।