नायक अनमोल केसीले ‘ए मेरो हजुर ४’ लगतै काम गर्ने तय भएको फिल्म ‘हनी बनी’बाट हात झिके । अनमोलले यो फिल्मबाट हात झिकेसँगै अब यी स्टार नायकसँग नयाँ प्रोजेक्ट छैन । होम प्रोडक्शनमै निर्माण हुने भनिएको ‘पारस र माइतीघर २’ पनि तत्काल नबन्ने भएपछि अनमोलले कुन फिल्ममा काम गर्लान् भन्ने चासो सबैसँगै छ ।

तर, अनमोलले भने तत्काल कुन फिल्ममा काम गर्ने भन्ने बिषयमा निर्णय लिएका छैनन् । अनमोललाई निर्देशक झरना थापाले ‘भागवत गीता’का लागि पनि अफर नगरेकी होइनन् । तर, उनले यो फिल्ममा काम नगर्ने भएका छन् । लगातार एउटै टिमसँग काम गरेकाले पनि अनमोल ब्रेक लिन चाहन्छन् । यसैले, उनले नायिका सुहाना थापासँगै तेश्रो प्रोजेक्टमा लगातार सहकार्य गर्ने चाहना बनाएनन् ।

विज्ञापन

श्रोतका अनुसार अनमोललाई निगम श्रेष्ठले फिल्म ‘छड्के २’का लागि पनि अफर गरेका छन् । ३ दिन बम्पर व्यापार गरेर दर्शकको चर्को आलोचना भोगेको ‘छड्के’को सिरिज बनाउने तयारीमा निगम छन् । यसका लागि अनमोललाई उनले अफर गरेपनि अनमोल राजी भैसकेका छैनन् ।

विज्ञापन

अनमोल केसी फिल्ममा काम गर्दा पैसा भन्दा पनि टिम, कथावस्तु र अन्य कलाकारमा बढी ध्यान दिन्छन् । यसैले, उनी कुनै पनि फिल्मको काम सुरु हुनु अघि सबै कुरा नमिलेको खण्डमा उक्त फिल्म छाड्न पछि पर्दैनन् ।