देउवाका ज्योतिषीको भविष्यवाणी– महाभियोग कालसर्प योगमा पर्यो, सत्ता गठबन्धनलाई यस्तो हुने
प्रधानमन्त्री शेरबहादुर देउवाको भविष्यवाणी गरेर चर्चामा आएका ज्योतिषी सुरेशचन्द्र रिजालले प्रधानन्यायाधीश चोलेन्द्र शमशेर जबराविरुद्धको महाभियोगले सत्ता गठबन्धनलाई नै अप्ठ्यारो पर्ने भविष्यवाणी गरेका छन् ।
महाभियोग दर्ताको समय शक्तिशाली कालसर्प योगमा परेकाले सत्ता पक्षलाई नै यसको गम्भीर असर पर्ने देखिएको उनको भविष्यवाणी छ ।
विज्ञापन
‘प्रधानन्यायाधीश चाेलेन्द्र शम्शेर राणाको अपमानजनक बहिर्गमनको याेग वर्तमान समयमा निर्माण भएकाे छैन । तर सत्ता पक्षलाई ६० दिन खड्गाे भनेर माघ १८ गते नै जानकारी गराइसकेकाे थिएँ । महाभियाेग दर्ता नै शक्तिशाली कालसर्प याेगमा परेकाले सत्तापक्षलाई नै यसकाे गम्भीर असर पर्नसक्ने याेगले देखाएकाे छ । जबरालाई महाअभियोग दर्ता गरेकाे समय नै कालसर्प याेगमा परेकाले सत्ता गठबन्धनलाई नै प्रभाव पार्ने देखिएकाे छ,’ रिजालले फेसबूकमा लेखेका छन् ।
विज्ञापन
हेर्नुहोस्, स्टाटस :
रिजाल देउवालाई ७ पटक प्रधानमन्त्री बन्नुहुन्छ भन्ने भविष्यवाणी गरेर चर्चामा आएका थिए ।
हालै स्थानीय तहको निर्वाचन घोषणा गर्नुअघि पनि देउवाले रिजालसँग सल्लाह लिएर मिति तय गरेको खुलासा भइसकेको छ ।
चर्चामा
सम्बन्धित समाचार
फेसबुक प्रतिक्रियाहरु