चितवन ।

चितवन राष्ट्रिय निकुञ्ज र भारतको बाल्मिकी टाईगर रिजर्भसँग जोडिएको चितवन राष्ट्रिय निकुन्जको मध्यवर्ती क्षेत्रमा पर्ने जैविक मार्गमा १४ वटा बाघ फेला परेका छन् । बाघको अवस्था बुझ्न ४० दिन लगाएर गरिएको गणनामा ८ पोथी र ६ भाले गरी १४ वटा पाटेबाघ रहेको चितवन राष्ट्रिय निकुञ्जले जानकारी दिएको छ । निकुञ्जले असोज २५ गतेदेखि क्यामेरा जडान गरेर बाघको गणना गर्न सुरु गरेको थियो ।
गणनामा ६२ वटा ग्रिड विभाजन गरी ६२ नोडी क्यामेरा प्रयोग गरिएको निकुञ्जका सूचना अधिकारी गणेशप्रसाद तिवारीले जानकारी दिए । उनका अनुसार क्यामेरा २ दशमलव २ वर्ग किलोमिटरको क्षेत्रफलमा जडान गरिएको थियो । सोमेश्वर जैविक मार्गमा सन् २०१८ को राष्ट्रिय बाघ सर्वेक्षणमा ३ वटा र सन् २०२२ को राष्ट्रिय बाघ सर्वेक्षणमा ८ वटा बाघ फेला परेका थिए । पछिल्लो ५ वर्षको अवधिमा बाघको संख्या उल्लेख्य रुपमा बृद्धि गर्न निकुञ्ज कार्यालय सफल भएको उनले बताए ।

विज्ञापन

विज्ञापन