मनोनयन दर्ता गर्न गोरखा पुगेका प्रचण्डलाई भव्य स्वागत
प्रतिनिधि सभा निर्वाचनको लागि मनोनयन दर्ता गर्न गोरखा पुगेका माओवादी केन्द्र अध्यक्ष पुष्पकमल दाहाललाई भव्य स्वागत गरिएको छ ।
आगामी ४ मंसिरमा हुने प्रतिनिसिसभा सदस्य निर्वाचनका लागि उम्मेदवार दर्ता गर्न उनी आज समाजवादी पार्टीका अध्यक्ष बाबुराम भट्टराईलाई लिएर गोरखा पुगेका हुन् ।
विज्ञापन
विज्ञापन
भट्टराई आफूले चुनाव लड्दै आएको निर्वाचन क्षेत्र गोरखा २ बाट प्रतिनिधि सभा निर्वाचनमा उम्मेदवारी दिन लागेका प्रचण्ड लाई लिएर उम्मेदवारी दर्ता गर्न आज गोरखा जान लागेका बिहानै बताएका थिए हुन् ।
भट्टराईले सामाजिक सञ्जाल फेसबुकमा लेख्दै ‘गोरखा–२ बाट क. प्रचण्डको उमेदवारी विधिवत प्रस्तुत गर्न सँगै गोरखातिर लागियो । उहाँका दिवंगत पिता र हाम्रा सकुशल जीवित पिताको आशिर्वाद लिएर जीवनको अन्तिम कालखण्डमा सहकार्यको नयाँ अध्याय थालनी गरियो । ’
अहिलेसम्म तीनवटा संसदीय निर्वाचन लडेका प्रचण्डले प्रत्येकपटक क्षेत्र फेरेका छन् ।काठमाडौं– १० बाट दोहोर्याएर लड्दा उनी पराजित भएका थिए ।
२०६४ मा रोल्पा– २ र काठमाडौं– १० बाट निर्वाचन जितेका प्रचण्डले २०७० को निर्वाचनमा काठमाडौं– १० बाट हारेका थिए भने सिरहा– ५ बाट झिनो अन्तरले जितेका थिए ।
चर्चामा
सम्बन्धित समाचार
फेसबुक प्रतिक्रियाहरु