१० बुँदे सम्झौतापछि पार्टीमै बसेकाहरूलाई एमालेको बेवास्ता
१० बुँदे सम्झौता मार्फत एमालेमा बसेका नेताहरूलाई स्थानीय तहको निर्वाचनबाट नै पाखा लगाउन शुरू गरिएको छ ।
मोरङका १७ स्थानीय तहमध्ये कुनै पनि पालिकामा पाटी फुट्दा माधव नेपाललाई साथ नदिएका नेताहरूलाई एमालेले पाखा लगाएको हो ।
विज्ञापन
गत चुनावमा माधव नेपाल निकट रहेर टिकट लिएका प्रमुख तथा उप प्रमुखहरूलाई यस पटक भने टिकट दिएको छैन । मोरङका तिन पालिकामा गत चुनावमा माधव नेपाल निकटका नेताहरूले जितेका थिए ।
विज्ञापन
बेलबारी नगरपालिकाको मेयर ज्ञानेन्द्र सुवेदी, पथरी शनिश्चरको मेयरमा दिलीप राई र केराबारी गाउँपालिकाको उपाध्यक्षमा शान्ति भुजेल १० बुँदे सहमति मार्फत एमालेमै बसेका थिए । तर तिनै जनालाई यस पटक भने टिकट दिएको छैन ।
बेलबारीमा एमाले अध्यक्ष ओली निकटका डिपि राईलाई एमालेले अन्तिम समयमा टिकट दिएको छ । सोमवार मात्रै उनलाई टिकट दिएको हो । अगाडि नै टिकट दिँदा ज्ञानेन्द्र सुवेदीले नेकपा एकीकृत समाजवादीमा गएर उठ्छ भन्ने डरले अन्तिम समयमा राईलाई टिकट दिएको एमाले प्रदेश कमिटीका एक नेताले बताए ।
बेलबारीमा सुवेदीको राम्रो प्रभाव भए पनि उनलाई १० बुँदे सहमतिमार्फत पार्टीमा बसेको भनेर टिकट नदिएको ती नेताले बताए । पथरीशनिश्चरे नगरपालिकाको प्रमुखमा मोहन तुम्वापो र उपप्रमुखमा देवीमाया काफ्ले उम्मेदवार बनाएको छ । उनीहरू दुवै जना एमाले अध्यक्ष ओली निकटकै हुन । केराबारी गाउँपालिकाको अध्यक्षको सुमन मिरिङ्चिङ र उपाध्यक्षमा मनमाया मगरलाई एमालेले अगाडि बढाएको छ ।
यस्तै विराटनगर महानगरपालिको मेयरमा प्रदेश कमिटी बाट सिफारिसमा परेका जीवन घिमिरे र उपमेयरमा महानगर कमिटीको सिफारिसमा परेकी विमला दाहाल (घिमिरे)लाई पनि टिकट दिइएको छैन । माधव नेपाल एमालेमा हुँदा उनीहरू निकटकै हुन् ।
चर्चामा
सम्बन्धित समाचार
फेसबुक प्रतिक्रियाहरु