काठमाडौं ।

‘एभरग्रिन एक्ट्रेस’को रुपमा करिश्मा मानन्धर चर्चित छिन् । ढल्कँदो उमेरसँगै उनको सौन्दर्य पनि ज्यूँको त्यूँ छ । सन् १९८८ मा ‘सन्तान’ फिल्मबाट १६ वर्षको कलिलो उमेरमै उनले अभिनय यात्रा थालेकी थिइन् ।

विज्ञापन

विज्ञापन

शुक्रबार उनको ४८ औं जन्मदिन हो । जन्मदिनमा उनी आज काठमाडौंमा भने छैनन् । पारिवारिक व्यापारको सिलसिलामा उनी सिमरा पुगेकी छिन् । ‘यसपटक सिमरामा भएकीले बर्थडे कार्यक्रम छैन । सबैजनाले सामाजिक संजाल र मोबाइलबाटै शुभकामना दिइरहनुभएको छ’ करिश्माले  भनिन् ।

करिश्मा पछिल्लो समय ब्यापारमा व्यस्त छिन् । घरेलु काममा प्रयोग हुने विद्युतीय सामाग्रीको कारोबार गर्ने उनको ब्यापार चलिरहेको छ । उक्त ब्यापारलाई छोरी कविताले सम्हालेकी छिन् । कोरोना महामारी सामान्य भए निकट भविष्यमै फिल्म निर्माण गर्ने करिश्मा योजना छ ।

उनले पछिल्लोपटक फागु निर्माण गरेकी थिइन् । राजनीतिक करिअर थालेपनि त्यो सफल चाहिँ हुनसकेन । पछिल्लोपटक मुलुकमा राजसंस्थाको आवश्यकता महसुस गरेकी करिश्मा यो उमेरमा पनि उत्तिकै फिट एन्ड फाइन छिन् । फेसन र हेल्थ कन्सस करिश्माले हालैमात्र स्कुल शिक्षा उत्तिर्ण गरेकी थिइन् ।