काठमाडौं। नेकपा (माओवादी केन्द्र) काभ्रे जिल्ला समन्वय समितिका इन्चार्ज सुर्यमान दोङ लालध्वजले काभ्रेको महाभारत गाउँपालिकालाई एमालेमुक्त पालिका बनाउन निर्देशन दिएका छन् ।

नेकपा माओवादी केन्द्र वडा नम्बर ८ को वडा सम्मेलनलाई सम्बोधन गर्दै महाभारतको सर्वत्र विकास समृद्धिका लागि एमालेमुक्त पालिका बनाउन भन्दै निर्देशन दिएका हुन् ।

विज्ञापन

पूर्वराज्यमन्त्री समेत रहेका दोङले भने, ‘सुँस्कृत र अग्रगमनसहितको समाज निर्माणका लागि यो पालिका एमालेमुक्त बनाउनुपर्छ, महाभारतलाई एमालेमुक्त बनाउने अभियानमा जोडिनका लागि म सबै कमरेडहरुलाई अनुरोध गर्दछु ।’

विज्ञापन

लालध्वजले एमालेको खोक्रो विकासको नारा र भ्रममा रहेकाहरुलाई माओवादीमा आउन समेत अपिल गरे । ‘जो–जो साथीहरु एमालेको खोक्रो भ्रम र विकासको भ्रममा पर्नुभएको छ, उहाँहरुलाई ढिला नगरी माओवादी केन्द्रमा प्रवेश गर्न आग्रह गर्छु’ उनले भने ।

लालध्वजले महाभारतको विकास माओवादीबाट मात्रै सम्भव भएको समेत बताए । माओवादी अहिले देशभर सम्मेलनमा जुटिरहेको छ । माओवादीको राष्ट्रिय सम्मेलन आगामी पुसको ११ गतेदेखि १३ गतेसम्म काठमाडौंमा हुँदैछ ।