नेकपा एमालेले १० बुँदे सहमतिविपरीत बागमती प्रदेश कमिटीलाई पूर्णता दिएको छ।

बिहीबार ४ सय ७७ सदस्यीय बागमती प्रदेश कमिटी सदस्य घोषणा गर्दा एमालेले इन्चार्जमा माओवादी केन्द्रबाट आएका रामबहादुर थापा बादललाई नै निरन्तरता दिएको हो।

विज्ञापन

एमालेको सांगठनिक संरचना २०७५ जेठ २ गतेअनुसार कायम गर्ने हो भने हाल मुख्यमन्त्री रहेकी अष्टलक्ष्मी शाक्य इन्चार्ज हुनुपर्थ्येा।

विज्ञापन

शाक्यको वरीयता भने बादलको भन्दा माथि राखिएको छ। सह–इन्चार्जमा काशिनाथ अधिकारी, अरुण नेपाल, शेरबहादुर तामाङ, कृष्णगोपाल श्रेष्ठ र डोरमणी पौडेल छन्।

प्रदेश कमिटीमा अध्यक्ष आनन्द पोखरेल तथा सचिव खेम लोहनी छन्। प्रदेश कमिटिमा रहेका ४ सय ७७ जना नै आज सुरु हुने विधान महाधिवेशनका प्रतिनिधि हुने निर्णय एमाले केन्द्रीय कमिटीले गरेको छ।