आइतवार, जेष्ठ ६, २०८१
  • होमपेज
  • समाचार
  • चितवनका सुमित जो २३ वर्षको उमेरमै नेपाली चलचित्रको सहायक निर्देशक बने
समाचार

चितवनका सुमित जो २३ वर्षको उमेरमै नेपाली चलचित्रको सहायक निर्देशक बने

चितवन।

भरतपुरको सप्तगण्डकी बहुमुखी क्याम्पसबाट कक्षा ११ पढ्दादेखि अभिनय यात्रा सुरु गरेका भरतपुरका सुमित आचार्य अहिले ठूलो पर्दाको नेपाली चलचित्रको सहायक निर्देशकको रुपमा अनुबन्ध भएका छन् ।

विज्ञापन

जो कोही चलचित्र निर्देशन क्षेत्रमा लाग्नु त सामान्य कुरा नै हो । तर, सुमित भर्खर २३ वर्ष लागेका छन् । नत उनको परिवारमा कोही चलचित्र क्षेत्रमा छ, नत उनको परिवार नै सम्पन्न खालको हो । उनी त ११ कक्षामा पढ्दादेखि अभिनय सिक्दै आफ्नो पढाइ र कामलाई पनि अगाडि बढाए । भर्खरै आमसञ्चार विषयमा सप्तगण्डकी बहुमुखी क्याम्पसबाटै बीए पूरा गरेका उनी हालसालै नेपाली कथानक चलचित्र ‘ग्रीन बर्ड’ मा अनुबन्ध भएका छन् । पारिवारिक कथानक यस चलचित्रको निर्देशक तथा कथाकार प्रमोद कँडेल छन् भने चलचित्रको केन्द्रीय भूमिकामा सुरक्षा पन्त छन् । चलचित्रलाई निगम श्रेष्ठले डिजाइन र छायांकन टोलीमा भारतका कात्तिके कर्नाटक र भारद्वाज महिता रहेका छन् । चितवनमा नै छायांकन गरिएको यो चलचित्र अन्तर्राष्ट्रिय महोत्सवहरुमा प्रदर्शन गरेपछि चलचित्र भवनहरुमा प्रदर्शन गर्ने निर्माण पक्षले बताएको छ ।

विज्ञापन

सुमितको ‘ग्रिन बर्ड’ नै पहिलो प्रोजेक्ट भने होइन यसअघि उनले झण्डै एक दर्जन नाटक र चलचित्रमा अभिनय गरिसकेका छन् । युट्युबमा पनि उनको धाराबाहिक श्रृंखलाहरु प्रसारित भएका थिए । चरनदास चोर, बहुलाकाजीको सपना, श्रीमानवीरबहादुर जस्ता नाटकमा अभिनय गरिसकेका सुमितले देशका विभिन्न ठाउँमा पुगेर लगभग १०० वटा सडक नाटक गरिसकेका छन् ।

उनी हालसालै चर्चित कलाकार दीपकराज गिरीको सानो पर्दाको टेलिभिजन कार्यक्रम ‘क्राइम पेट्रोल नेपाल’ मा पनि सहायक निर्देशकको रुपमा काम गरिरहेका छन् । दीपकको सो कार्यक्रम सञ्चारकर्मी रवि लामिछानेको टेलिभिजन च्यानल ‘ग्यालेक्सी फोरके’ मार्फत आउन लागेको हो । भारतीय टिभी सोनीबाट लामो समयदेखि प्रसारण हुँदै आएको अपराध र त्यसको अनुसन्धानको विषयमा केन्द्रीत ‘क्राइम पेट्रोल’ सँग आधिकारिक अनुमतिमा नेपालमा पनि यो श्रृखंला निर्माण हुन लागेको हो । सुमितले क्राइम पेट्रोलको दुई श्रृंङ्खलाको निर्देशन गरि सके ।

‘क्राइम पेट्रोल नेपाल’ होष्टसहित ड्रामाको रुपमा निर्माण हुन लागेको हो । श्रृंखलाकाअनुसार निर्देशक परिवर्तन देख्न सकिनेछ । ‘क्राइम पेट्रोल नेपाल’ मा प्रसारण हुने श्रृंखलाका कथा प्रहरीले अनुसन्धान गरेर सफलता हात पारेको कथा बन्ने छन् ।

canon

फेसबुक प्रतिक्रियाहरु

canon

चर्चामा

सम्बन्धित समाचार

सिफारिस