लक्ष्मीको कृपा पाउन पूर्णिमाको दिन गर्नुहोस् पूजा
चन्द्रमाले आफ्नो पूर्ण आकृती लिने दिनलाई पूर्णिमा भनिन्छ । पूर्णिमा माता लक्ष्मीको प्रिय दिन हो ।
धार्मिक मान्यता अनुसार चन्द्रमा मनको कारक र आमाको सूचक हो । ज्योतिषशास्त्रका अनुसार चन्द्रमा कर्कट राशीको स्वामी हो । पूर्णिमाको दिन निम्न उपाय गरेमा जीवनमा लक्ष्मी कृपा प्राप्त हुने धार्मीक मान्यता छ ।
विज्ञापन
शास्त्र अनुसार पूर्णिमाका दिन पिपलको वृक्षमा माता लक्ष्मीको आगमन हुन्छ । तसर्थ यस दिन बिहान नुहाएर पवित्र भई पिपलको रुखमा गुलियो प्रसाद अर्पण गरी अर्घ दिएमा दाम्पत्य जीवनमा मधुरता छाउने छ । पतिपत्नीले एकसाथ चन्द्रमामा अर्घ दिएमा वैवाहिक सम्बन्धको कटुता नास भई दाम्पत्य जीवन सुखमय बन्नेछ ।
विज्ञापन
आर्थिक समस्यासंग जुधिरहेकाहरुले पूर्णिमाका दिन चन्द्र उदयको समयमा काचोँ दूधमा चिनी र चामल मिसाई अर्पण गरेमा यो समस्या निवारण भएर जानेछ । अर्पणका क्रममा ॐ स्रां स्रीं स्रौं सः चन्द्रमासे नमः वा ॐ ऐं क्लीं सोमाय नमः को मन्त्र जप गर्नु पर्दछ । यसो गर्नाले बिस्तारै आर्थिक कठिनाई हटेर आर्थिक लाभको बाटो खुल्दछ ।
पूर्णिमाका दिन माता लक्ष्मीको प्रतिमाको सामु ११ वटा कौडालाई चढाई त्यसलाई बेसारको टीका लगाएर रातभर छाड्नु पर्दछ । बिहान उक्त कौडालाई शुद्ध रातो कपडामा बेरेर आफ्नो धनसम्पती राख्ने स्थानमा राखेमा घरमा कहिल्यै धनको अभाव हुदैन ।
फेसबुक प्रतिक्रियाहरु