शुक्रबार, कार्तिक ५, २०७८
जोडिनुहोस
  • होमपेज
  • समाचार
  • संसद असफल पार्न एमालले फेरि षडयन्त्र थाल्यो : चित्रबहादुर केसी
समाचार

संसद असफल पार्न एमालले फेरि षडयन्त्र थाल्यो : चित्रबहादुर केसी

काठमाडौं ।

राष्ट्रिय जनमोर्चाका अध्यक्ष चित्रबहादुर केसीले मुलुकलाई फेरि निर्वाचनमा धकेल्न नेकपा एमालेले षडयन्त्र गर्न थालेको आरोप लगाएका छन् ।

उनले पछिल्लो पुनर्स्थापित संसदलाई फेरि भंग गर्न बाध्य पारेर देशलाई मध्यावधि निर्वाचनमा धकेल्नका एमालेले राज्यका निकायहरुमाथि आक्रमण गरिरहेको आरोप लगाएका हुन् ।

विज्ञापन

शुक्रबार एक प्रेस वक्तव्य जारी गर्दै अध्यक्ष चित्रबहादुर केसीले भनेका छन्, ‘पुनर्स्थापित संसदलाई भंग गरेर देशलाई मध्यावधि निर्वाचनमा धकेल्नका लागि ओली पक्षले निर्वाचन आयोग, सरकार र सभामुखमाथि आक्रमण केन्द्रित गरेको छ । त्यसैले प्रतिगमनविरुद्धको संघर्षको आवश्यका कायमै रहेको छ ।’

एमालेको यो षडयन्त्र चिर्नका लागि समेत हालको सत्तारुढ पाँचदलीय गठबन्धनलाई अझै मजबुत पार्नुपर्ने आवश्यकता रहेको उनले बताएका छन् । उनले वर्तमान सरकारबाट समेत देश र जनताका समस्या समाधान नहुनेमा आफूहरु विश्वस्त रहेको भए पनि मुलुक प्रतिगमनमा जानबाट रोक्नका लागि मात्र गठबन्धनमा सामेल भएको बताए ।

पछिल्लो धेरै विवादमा रहेको अमेरिकी सहयोग एमसीसी भने कुनै हालतमा पनि पारित गर्न नहुने उनको अडान छ । जारी विज्ञप्तीमा एमसीसीका विरुद्ध एकल वा संयुक्त संघर्ष जारी राख्ने समेत अध्यक्ष केसीले जनाएका छन् ।

फेसबुक प्रतिक्रियाहरु

चर्चामा

सम्बन्धित समाचार

प्रधानन्यायाधीशलाई महाभियोग लगाउन आह्वान
समाचार
प्रधानन्यायाधीशलाई महाभियोग लगाउन आह्वान

काठमाडौं। पूर्वन्यायाधीशहरूको संगठनले प्रधानन्यायाधीशलाई प्रतिनिधीसभाले महाभियोग लगाउनुपर्नेसम्मको आह्वान गरेको छ। पूर्वन्यायाधीशहरूको संगठन ‘पूर्वन्यायाधीश फोरम, नेपाल’ले आज एक विज्ञप्ति सार्वजनिक गर्दै प्रधानन्यायाधीश चोलेन्द्र शमशेर राणाको कार्यसम्पादनले न्यायिक नेतृत्वप्रति जनमानसमा शंका उत्पन्न भएको टिप्पणी गर्दै महाभियोगसम्म जानुपर्ने संकेत गरेको हो। विज्ञापन ‘सर्वोच्च अदालतद्वारा सर्वोच्च अदालत उपर नै अन्तरिम आदेश जारी हुनु, न्यायिक मान्यताविपरीत त्रुटिपूर्ण अन्तरिम आदेश बेलैमा […]

  • २ घन्टा अगाडि

भर्खरै

सिफारिस