युक्रेनी इन्जिनियरले बनाए आधा पांग्रे साइकल, दौडने मात्र नभइ अवरोध समेत छिचोल्न सक्ने दाबी
काठमाडौँ- साइकलले आधुनिक विश्व संस्कृतिमा बेग्लै छाप छाड्न सफल भएको छ । आजकल बजारमा विद्युतीय साइकल समेत देखा पर्दै आएका छन् । मानिसहरु स्वास्थ्य रहन र यताउति जान साइकलको प्रयोग गर्ने गरेका छन् ।
साइकलको कुरा गर्दा पांग्रा अत्यावश्यक छन् भन्ने तपाइँलाई लाग्न सक्छ । तर, एकजना इन्जिनियरको हालैको आविष्कारले दुई वटा आधा पांग्राले पनि एउटै पूरै पांग्राले जत्तिकै राम्रो काम गर्छ भनेर देखाएको छ ।
विज्ञापन
युट्युब, इन्स्टाग्राम लगायत सामाजिक सञ्जालमा ‘द क्यु’ नामक अकाउन्ट चलाउने युक्रेनी इन्जिनियर तथा युट्युबर सर्गी गोर्डिएभ असाधारण, चेनलेस बाइक र आइस बाइकलगायत आफ्ना सरल आविष्कारहरूका लागि परिचित छन् ।
विज्ञापन
तर, उनको पछिल्लो आविष्कारले उनलाई चर्चित बनाएको छ । यो विचित्रको साइकलमा अगाडि पूरै तर पछाडिको दुई वटा आधा पांग्रा छन् र तिनीहरूले अगाडिकोले जस्तै काम गर्छन् ।
यो साइकलका दुई आधा पांग्र सही तरिकाले प्रयोग गर्दा एउटा पूर्ण पांग्राले जस्तै राम्रो काम गर्छ भन्दा जोकोहीलाई अचम्म लाग्न सक्छ । तर, वास्तविकता यही हो ।
गोर्डिएभका अनुसार यो साइकलले अन्यले जस्तै राम्रो काम गर्छ । ‘यसरी नै सरल गणितले काम गर्छ । ०.५+०.५=१ ।’ युट्युबमा उनले सार्वजनिक गरेको भिडियोको डिस्क्रिप्सनमा उल्लेख छ ।
साइकल समतल सतहमा राम्रोसँग दौडने मात्र होइन यसले झन्झट र अवरोध छिचोल्न सक्ने गोर्डिएभ बताउँछन् ।
चर्चामा
सम्बन्धित समाचार
फेसबुक प्रतिक्रियाहरु