‘विश्वजितम्’ शीर्षकमा प्रदर्शन हुदैँ ‘प्रेमगीत ३’ भारतमा
नेपाली फिल्म ‘प्रेमगीत-३’ भारतमा विश्वजितम् शीर्षकमा रिलिज हुने भएको छ । यो फिल्म नेपालसँगै भारतमा पनि एकसाथ रिलिज हुने भएको हो ।
असोज ७ गते नेपालसँगै भारतमा पनि रिलिज हुने छ। निर्माता सन्तोष सेनले भारतको निर्माता संघमा फिल्म दर्ता भएको प्रतिलिपी राख्दै भारतसँगै बाँकी देशमा यही नाममा फिल्म रिलिज गर्ने जानकारी दिएका छन् ।
विज्ञापन
लामो समय मुम्बइमा बसेर सन्तोषले यो फिल्म हिन्दी भाषामा डबिङ गराएका थिए । भारतका थिएटरमा पनि रिलिज गर्ने उद्धेश्यले उक्त फिल्म हिन्दीमा डबिङ गराएका हुन। भारतीय फिल्म वितरकले व्यवसायिक रुपमा नेपाली फिल्म रिलिज गर्न लागेको यो पहिलो पटक हो ।
विज्ञापन
नेपाली भाषामा बनेको ‘प्रेमगीत ३’ भारतमा पनि रिलिज गर्ने गरी डब गरिएको र नेपाल र भारतमा एक साथ रिलिज गर्ने चर्चा चले पनि निर्माण टिमले नेपालको मात्र प्रदर्शन मिति घोषणा गरेको थियो । तर निर्माण टिमले शुक्रबार फिल्म रिलिज हुने कन्फर्म गरेसँगै वितरण कम्पनी नयाँ पोस्टरसहित सार्वजनिक गर्ने सन्तोष सेनले बताएका छन् ।
सन्तोष सेन र स्व.छेतेन गुरुङले संयुक्त रुपमा निर्देशन गरेको यो फिल्म कोभिड संक्रमणको महामारी अगाडि नै निर्माण सम्पन्न भएको थियो । तर, लकडाउनका कारण फिल्म रिलिज हुन सकेको थिएन ।
प्रदीप खड्का र कृष्टिना गुरुङ को मुख्य भूमिका रहेको फिल्म नेपालमा भने असोज ७ मा प्रदर्शन हुँदैछ ।
चर्चामा
सम्बन्धित समाचार
फेसबुक प्रतिक्रियाहरु