सरकारले ल्याएको बजेटबाट महेश बस्नेत खुसी, एमाले दुःखी
सरकारले प्रस्तुत गरेको आगामी आर्थिक वर्ष २०७९–०८० बजेटप्रति एमाले नेता एवं पूर्वमन्त्री महेश बस्नेतले खुसी ब्यक्त गरेका छन् । संसदमा बजेट भाषण सकिएलगत्तै सामाजिक सञ्जाल मार्फत उनले अर्थमन्त्रीलाई धन्यवाद दिएका छन् । अघिल्लो सरकारले ल्याएको भक्तपुरका योजनाहरु यो सरकारले पनि समावेस गरेको भन्दै उनले खुसी ब्यक्त गरेका हुन् ।
विज्ञापन
सूर्यविनायक धुलिखेल ६ लेन सडक निर्माण, कोटेश्वर अन्डरपास निर्माण, साँगा सुरङ्ग मार्ग डीपीआर निर्माण, दधिकोट सहरी खानेपानी आयोजनालाई निरन्तरता दिएको भन्दै अर्थमन्त्रीलाई धन्यवाद दिएका छन् । साथै उनले भक्तपुरमा विभिन्न १५ शीर्षकमा भक्तपुरका लागि अघिल्लो सरकारले राखेको २० अर्ब बजेट बढीका कार्यक्रमहरु नकाट्न पनि अर्थमन्त्रीलाई आग्रह गरेका छन् ।
विज्ञापन
उता एमालेका पूर्व अर्थमन्त्रीहरू विष्णु पौडेल र सुरेन्द्र पाण्डेले भने प्रस्तुत बजेटको आलोचना गरेका छन् । उनीहरुले चुनावलाई प्रभाव पार्नेगरी बजेट ल्याएको र बजेट हावादारी भएको कटु टिप्पणी गरेका छन् ।
फेसबुक प्रतिक्रियाहरु