काठमाडौं ।

यो माया भन्ने चीज यस्तै हो । यो वाक्य नायिका वर्षा शिवाकोटी र प्रेमी राज कट्वालमा पनि लागू हुन्छ ।

विज्ञापन

विज्ञापन

केहीमहिना सम्बन्धबाट अलग बसेका वर्षा र राजबीच प्याचअप भएको खबर छ । इन्स्टाग्रामबाट पनि एकअर्कालाई अनफलो गरेका यी दुईजना अहिले भने पुनः फलोअस समेत बनेका छन् ।

फलोअर मात्र भएका हैन्, लाकुरी भञ्ज्याङस्थित ‘द टेरिस रिसोर्ट एन्ड स्पा’मा उनले डेट पनि गरेका छन् । उक्त रिसोर्टमा पुगेको तस्बिर दुबैले पोस्ट पनि गरेका छन् ।

रिसोर्टमा पुगेर कफी पिएको वर्षाको तस्बिरलाई राजले लाइक पनि गरेका छन् । फलो र लाइकको यो तथ्यबाटै पुष्टि हुन्छ, उनीहरु पुनः सम्बन्धमा बसेका छन् ।

कुरा गर्दै अभिनेता समेत रहेका राजले प्याचअप भएको खबरलाई पुष्टि गरे । ‘हामी कहिले नै अलग भएका थियौं र’ राजले भने, ‘हामी सम्बन्धमा छौं र खुशि छौं ।’