चितवन, साउन २९ । शैक्षिक परामर्श संस्था ग्लोबल रिच एजुकेसन कन्सल्टेन्सीले यही भदौ २ अर्थात (अगष्ट १८) गते सोमबार ‘अष्ट्रेलियान एजुकेसन फेयर’ शैक्षिक मेला गर्ने भएको छ । उच्च शिक्षा अध्ययनको लागि अष्ट्रेलिया जान इच्छुक विद्यार्थीहरूलाई लक्षित गर्दै शैक्षिक मेलाको आयोजना गरिएको हो ।

हरेक वर्ष जस्तै यसपटक पनि अष्ट्रेलिया अध्ययन गर्न जाने विद्यार्थीलाई युनिभर्सिटीका प्रतिनिधिसँग प्रत्यक्ष परामर्श दिने उद्देश्यसहित शैक्षिक मेला आयोजना गरिएको ग्लोबल रिचका चितवन प्रबन्धक सुरेश पौडेलले जानकारी दिए ।

विज्ञापन

पछिल्लो समय अष्ट्रेलियान सरकारले गरेको भिसाको पोलिसी, मापदण्ड, त्यहाँको अवस्था, काम, अवसर र चुनौतीको बारे विद्यार्थीले युनिभर्सिटीका प्रतिनिधिसँग जिज्ञासा राख्न सक्ने छन् । मेलामा अष्ट्रेलियाका प्रख्यात केही युनिभर्सिटीका प्रतिनिधिले विद्यार्थीलाई उपयुक्त परामर्श, युनिभर्सिटीमा सहजीकरण, स्कलरसिप र अफर लेटरमा सहजीकरण लगायतका विषयमा सहभागी विद्यार्थीलाई मदत पुग्ने पौडेलको भनाई छ ।

विज्ञापन

ग्लोबल रिच पुरानो र स्थापित शैक्षिक संस्था भएकोले विद्यार्थी तथा अभिभावकको शैक्षिक मेलामा उत्साहजनक सहभागिता रहने उनले बताए । भरतपुर ओरालो स्थित रोटरी भवनको चौथो तलामा आफ्नै कार्यालय परिसरमा गर्न लागिएको मेलामा चितवन, नवलपरासी, मकवानपुर लगायतका विद्यार्थीहरू सहभागी हुने अपेक्षा गरिएको छ ।

बिहान ११ बजेदेखि अपरान्ह ४ बजेसम्म मेला सञ्चालन हुने पौडेलले जानकारी दिए । ग्लोबल रिचले विगत ३३ वर्षदेखि विद्यार्थीलाई सेवा दिँदै आइरहेको छ भने विगत १८ वर्षदेखि नेपालमा सेवा दिइरहेको छ ।

ग्लोबल रिचको नेपालमा मात्र काठमाडौँ, बुटवल, पोखरा, चितवन गरी चारवटा शाखा छन भने भारत, बागलादेश, भुटान, श्रीलङ्का, अष्ट्रेलियाका देशहरूमा गरी कुल ४२ वटा शाखा शाखा सञ्चालनमा छन् ।

संस्थाले उच्च शिक्षा अध्ययनका लागि अष्ट्रेलिया, क्यानडा, बेलायत लगायतका विभिन्न देश जान चाहने विद्यार्थीहरूलाई शैक्षिक परामर्श, भर्ना प्रक्रिया सहजिकरण, भिसा आवेदनमा सहयोग गर्नुका साथै आइइएलटीएस र पिटीईका कक्षाहरू सञ्चालन गरिरहेको छ।